Bayern Muich e mposhti në udhëtim Lazion me rezultat 4:1, në kuadër të ndeshjes së parë të 1/8-ve të finales në Ligën e Kampionëve.
Bavarezët vulosën fitoren qysh në pjesën e parë, duke shënuar tre herë.
Sulmuesi polak, Robert Lewandowski, e hapi serinë e golave qysh në minutën e nëntë, me të cilin u bë golashënuesi i tretë më i mirë në historinë e Ligës së Kampionëve.
Ky ishte goli i 72-të i Lewandowskit në Ligën e Kampionëve dhe e bën që ai ta kalojë legjendën e Real Madridit, Raul, dhe të ngrihet në vendin e tretë, prapa Cristiano Ronaldos dhe Lionel Messit.
Jamal Musiala dyfishoi epërsinë e Bayernit në minutën e 24-të, duke u bërë lojtari më i ri në moshë që shënon gol në Ligën e Kampionëve për Bayernin.
Në minutën e 42-të, Leroy Sane shënoi për 0:3, ndërsa dy minuta pasi filloi pjesa e dytë, “bavarezët” e katërfishuan rezultatin përmes autogolit të Acerbit.
Vetëm pas dy minutave, Joaquin Correa shënoi për 1:4, por ky mbeti goli i vetëm i shënuar nga vendasit në këtë përballje.
Me këtë fitore, Bayern Munich mbetet i pamposhtur si mysafir për herë të 17-të me radhë, rekord i ri i Champions League.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”