Ministri i Punëve të Jashtme i Maqedonisë së Veriut, Bujar Osmani, ka thënë se zgjerimi i Bashkimit Evropian (BE) nuk është më një çështje besueshmërie, por një çështje sigurie dhe një shans për të konsoliduar BE-në dhe Ballkanin Perëndimor.
Ndërsa lufta në Ukrainë është provë për liderët dhe politikanët evropianë, sepse është koha për të matur popullaritetin e zgjerimit të BE-së, ka thënë ai në një konferencë për media.
Vizitën e Përfaqësuesit të Lartë të BE-së, Josep Borrell, në Maqedoni të Veriut, ai e sheh si sinjal të qartë të mbështetjes, pavarësisht mesazheve të tij për negociatat e vjetra.
Kryediplomati Osmani ka deklaruar se nuk ka dilemë për mbështetjen për fillimin e negociatave mes vendeve anëtare të BE-së, gjë që u konfirmua në takimin me homologun sllovak Korçok në Forumin Diplomatik në Antalia të Turqisë, i cili theksoi se çështjet dypalëshe nuk do të përfshihen në kuadrin e negociatave.
Takimin me kryeministrin bullgar, Kiril Petkov në forumin në Antalia, Osmani e ka cilësuar të dobishëm sepse është bërë kryqëzimi i komunikimeve të mëparshme në mes të Shkupit dhe Sofjes.
Megjithatë, Osmani ka deklaruar se mes Shkupit dhe Sofjes ende ekziston një hendek i thellë në tri çështje, por pa i cekur se për cilat bëhet fjalë, mirëpo ai ka deklaruar se është thelbësore që bisedimet të vazhdojnë.
Nga ana tjetër Shkupin do ta vizitojë më 23 mars Ministrja e Jashtme e Bullgarisë, Teodora Gencovska.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Balla: 900 mijë pasagjerë më shumë në Rinas se vitin e kaluar, shtojmë 100 efektivë
-
Pedro Sanchez qëndron, nuk dorëhiqet nga pozita e kryeministrit
-
Baerbock bën fushatë për integrimin e Ballkanit, në përvjetorin e zgjerimit të BE-së në 2004
-
Kosova refuzoi “zgjidhje afatgjatë” nga Escobari për dinarin, preferon “kompromis të negociuar” nga Lajçaku