Një gamë e rrjeteve globale kanë nisur të blejnë të drejtat e transmetimit të serialit komik “Shërbëtori i Popullit” në të cilin ka luajtur presidenti ukrainas.
Ish-aktori dhe komediani Volodymyr Zelensky, asokohe ka luajtur rolin e Vasiliy Petrovich Goloborodko.
Rol i vitit 2015 i një mësuesi të shkollës së mesme, të shtyrë drejt presidencës pasi videoja e një studenti ku ai denonconte korrupsionin në Ukrainë u bë virale.
Kështu, Goloborodko nis të drejtojë vendin duke i shmangur përfitimet e të qenit lider dhe duke e mbajtur jetën e tij në ritmet e normales.
Hit në Ukrainë, ku u shfaq për tre sezone radhazi, interesi për të ka arritur kulmin që kur Zelensky u bë fytyra e kombit teksa u reziston sulmeve ruse.
Partneri menaxhues i studios krijuese, Nicola Söderlund, ka zbuluar se shitjet janë rritur në mënyrë dramatike në ditët e fundit.
Ai e ka cilësuar interesin për këtë serial si “të jashtëzakonshëm”.
“Është një shfaqje mjaft e vjetër, por duke pasur parasysh rrethanat, është bërë shumë, shumë, shumë interesante për të gjithë”, ka thënë ai.
Seriali pritet të transmetohet të dielën nga Channel 4 në Mbretërinë e Bashkuar.
Sakaq, nuk do të mungojnë transmetimet nga rrjete të ndryshme televizive në Greqi, Rumani, Bullgari, Moldavi, Estoni, Francë apo Finlandë.
“Njerëzit habiten që një komedian mund të jetë politikan, por ja që ai ishte”, ka treguar Söderlund.
“Aftësitë e tij për të tejçuar mesazhe bindëse për njerëzit e kanë ndihmuar shumë të bëhet politikan”, ka shtuar ai.
“Shërbëtori i Popullit” ka fituar çmimin e serialit më të mirë artistik në Teletriumph Awards në Ukrainë dhe gjithashtu ka marrë çmimin Gold Remi për komedinë televizive në WorldFest 2016 në Houston.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Emily Blunt thotë se “nuk ka pasur pëlqim për shumë prej aktorëve me të cilët është puthur nëpër xhirimet e filmave”
-
Kevin Spacey kritikon dokumentarin e ardhshëm që do të shqyrtojë akuzat ndaj tij për abuzim dhe sjellje të pahijshme seksuale
-
Paul Rudd dhe Nick Jonas do të luajnë në komedinë muzikore “Power Balad” të regjisorit John Carney
-
“The Fall Guy” nuk arrin lartësitë e nevojshme për të bërë një spërkatje vërtet të madhe
Lajmet kryesore
-
Ekskluzive: Franca kërkon shtyrje të vendimit për anëtarësim të Kosovës në KiE
-
Meta thotë se Rama dhe Veliaj janë përfshirë në fushatë në Maqedoninë e Veriut, jo Kurti
-
Publikohet dokumenti i armëpushimit që Hamasi e pranoi, por Izraeli e refuzoi – 3 faza në 3 muaj
-
Lajçak pret përgjigje konstruktive nga Kosova e Serbia mbi kompromisin e propozuar për dinarin