Policia e Kosovës në qytetin e Pejës ka arrestuar dy persona të cilët dyshohet se kanë hyrë në Shkollën e Mesme të Ulët “8 Marsi” në Pejë për të vjedhur pajisje teknologjike.
Në shkollë ishin vjedhur dy televizorë dhe një lap-top, të dyshuarit janë arrestuar dy ditë pas lajmërimit të rastit në polici.
Sipas policisë, ë arrestuarit dyshohen për veprat penale “vjedhje e rëndë”, “blerja, pranimi ose fshehja e sendeve të përfituara me kryerjen e veprës penale” dhe “mbajtje në pronësi, kontroll dhe shfrytëzim të paautorizuara të armës”, thuhet në njoftim të policisë.
“Pas intervistimit të personit të dyshuar i cili dyshohet se ka kryer edhe disa vjedhje të tjera, në koordinim të plotë me Gjykatën kompetente dhe Prokurorin e shtetit është bërë kontroll/bastisja e shtëpisë së personit i cili kishte blerë sendet e vjedhura nga i dyshuari të cilat janë sekuestruar tre (3) televiziona, dy (2) llap top dhe një (1) tastatur”, thuhet në komunikatë.
Gjatë bastisjes tek i dyshuari (blerësi i sendeve) është gjetur edhe një armë e tipit “Zoraki” me kalibër 7.65 mm, një karikator i së njëjtës armë dhe dy fishekë të kalibrit 7.65mm, të cilat gjithashtu janë sekuestruar.
Policia me urdhër të Prokurorisë thotë se personave të dyshuar pas intervistimit iu është caktuar masa e ndalimit prej 48 orëve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Përurohet shtatorja më e madhe e Skënderbeut në tokën italiane, nga arbëreshët e San Basile-s
-
Lobimi serb në OKB kundër rezolutës për Gjenocidin e Srebrenicës, si po e ndihmojnë rusët dhe kinezët?
-
Pa një plan diplomatik për Gazën e pasluftës, Jordania ka frikë se do të detyrohet të njohë Hamasin
-
Raportet ndërkombëtare që shkërmoqën propagandën qeveritare