Juventus-it në finalen e kupës së Italisë për vitin 2021 do i bashkohet skuadra nga Bergamo, Atalanta.
Skuadra që po bënë mrekulli tash e afro katër vite me buxhet minimal, tani synon edhe trofe.
Skuadër e bukur, direkte dhe me futboll fenomenal, Atalanta neutralizoi tërësisht Napoli-n në ndeshjen e kthimit për gjysëmfinalen e kupës së Italisë.
U nevojitën vetëm 16 minuta që të përzgjedhurit e Gasperini-t të gjenin epërsi të dyfishtë.
I pari shënoi Duvan Zapata në minutën e 10-të.
Vetëm gjashtë minuta më vonë, njeriu i momentit për bergamaskët, Matteo Pessina shënoi për 2-0.
Pjesa parë përfundoi me këtë rezultat.
Vetëm shtatë minuta pas fillimit të pjesës së dytë, meksikani Hirving Lozano e hapi ndeshjen duke shënuar për 2-1.
Në momentin më të mirë të Napoli-t, në skenë u ngjit përsëri Matteo Pessina.
Italiani 23 vjeçar shënoi për 3-1 duke siguruar kështu kalimin e Atalanta-s në finale.
Finalja mes Atalanta-s dhe Juventus-it, do të luhet më 19 maj në “Olimpico”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës