Futbollisti i kombëtares së Shqipërisë, Nedim Bajrami, ishte protagonist në barazimin e skuadrës së tij Empoli në udhëtim te Lazio, me rezultat 3:3.
Bajrami zhbllokoi shifrat në këtë takim, duke realizuar gol nga pika e bardhë e penalltisë në minutën e gjashtë të ndeshjes, i cili mposhti portierin kuqezi të Lazio-s, Thomas Strakoshan.
Nuk vonoi shumë dhe pas dy minutash Empoli befasoi duke dyfishuar shifrat me anë të polakut Szymon Zurkowski.
Por, për të ngushtuar epërsinë në pjesën e parë, mendoi sulmuesi kryesor i kryeqytetasve, Ciro Immobile, i cili realizoi për 1:2 në minutën e 14-të.
Fraksioni i parë i lojës përfundoi me epërsi minimale të miqve, derisa edhe në pjesën e dytë u shfaq një lojë e luftuar.
Milinkovic-Savic barazoi fillimisht rezultatin në minutën e 66-të, por 10 minuta më vonë Federico Di Francesco riktheu epërsinë e Empol-it.
Minutat në vazhdim, loja ishte një dramë, ku lacianëve iu anulua një gol nga VAR-i, pastaj humbën një penallti, por në fund arritën gjithsesi të barazonin rezultatin me serbin Milinkovic-Savic.
Me këtë barazim, Lazio mbetet në pozitën e tetë në tabelë me 32 pikë, katër më pak se Empoli i vendit të dytë.
Në ndeshjen tjetër, Verona mori një fitore shumë të rëndësishme në udhëtim, duke mposhtur Spezia-n me rezultat 1:2.
Pjesa e parë e këtij takimi nuk prodhoi gola, derisa në të dytën mysafirët arritën të shënojnë dy herë, kurse vendasit realizuan një gol.
Ishte Gianluca Caprari, ai i cili realizoi dy gola në minutat 59 dhe 70, derisa për vendasit arriti të shënonte Martin Erlic në minutën e 85-të të sfidës.
Me këtë fitore, Verona mban vendin e 11-të me 27 pikë, ndërsa Spezia pozicionohet e 17-ta me 16 pikë të grumbulluara.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”