Banorët e Boulder County në Colorado janë rikthyer në skenat e shkatërruara pasi reshjet e borës kanë ndihmuar në shuarjen e një zjarri të furishëm.
Zjarri përfshiu 6 mijë hektarë në vetëm pak orë, duke shkatërruar qindra shtëpi.
Një banor vendas tha se disa familje në zonë “humbën gjithçka” dhe ishte një “mrekulli e Krishtlindjeve” që askush nuk u vra.
Dhjetëra mijëra njerëz u larguan pasi flakët përfshinë zonën.
Autoritet lokale për agjencinë e lajmeve “Reuters” thanë se zjarri u nxit nga erërat me shpejtësi deri në 105 mph (169 km/h), të cilat shkaktuan kalimin e flakëve mbi autostrada dhe komunitete të tëra.
Ndryshimet klimatike janë duke rritur rrezikun e motit të nxehtë dhe të thatë që ka të ngjarë të nxisë zjarret, dhe ekspertët thonë se këto të fundit në Amerikën e Veriut perëndimore janë rritur me intensitet vitet e fundit.
Tani bora ka filluar të bjerë dhe zyrtarët thonë se nuk presin që zjarri të përbëjë më rrezik.
Njerëzit kanë filluar të kthehen në shtëpi për të vlerësuar dëmet, duke u përballur me skena të shkatërrimit të plotë.
Gjashtë persona janë trajtuar për lëndime, por nuk raportohet për viktima – diçka që zyrtarët lokalë e përshkruan si një “mrekulli”.
Presidenti Joe Biden ka miratuar një projektligj për lehtësimin e fatkeqësive që do të ndihmojë të prekurit.
Rreth 30 mijë banorëve në qytetet Louisville dhe Superior iu kërkua të lënë shtëpitë e tyre, të enjten.
Colorado ka përjetuar thatësira ekstreme vitet e fundit. Ndryshimi i klimës rriti rrezikun e motit të nxehtë dhe të thatë që ka nxitur zjarret.
Bota tashmë është ngrohur me rreth 1.2C që nga fillimi i epokës industriale dhe temperaturat do të vazhdojnë të rriten nëse qeveritë në mbarë botën nuk bëjnë shkurtime të mëdha të emetimeve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rafahu nuk është Stalingradi i Gazës – është një tjetër manipulim nga Netanyahu
-
Osmani: Mickoski na ktheu në Jugosllavi, zgjedh përfaqësuesit e shqiptarëve pa vullnetin e tyre – si Serbia, Rrahman Morinën
-
“Barazia në urinim”: Gratë e Amsterdamit fitojnë luftën për më shumë tualete publike
-
Ministri izraelit i Luftës thyen këmbën gjatë ecjes me biçikletë
Lajmet kryesore
-
Ranucci tregon pse nuk u transmetua pjesa e dytë e ‘Report’ për Shqipërinë
-
BE dënon sulmin ndaj gjyqtarit Tonin Stërkaj
-
Rafahu nuk është Stalingradi i Gazës – është një tjetër manipulim nga Netanyahu
-
Scholz, Kurtit: Duhen hapa konkretë në çështjen e Asociacionit kur në pyetje është anëtarësimi në KiE