Presidentja e Kosovës, Vjosa Osmani ka pritur në takim ambasadorin e Britanisë së Madhe në Kosovë, Nicholas Abbott.
Osmani gjatë këtij takimi e ka falënderuar ambasadorin për mbështetjen që Britania e Madhe i ka dhënë institucioneve të Kosovës gjatë vitit 2021.
“Presidentja Osmani ka shprehur gatishmërinë për të intensifikuar raportet e Kosovës me Britaninë e Madhe gjatë vitit vijues në fushën e shkëmbimeve tregtare dhe bashkëpunimit në çështjet e sigurisë dhe mbrojtjes”, thuhet në njoftimin e presidencës së Kosovës.
Ndërsa këmbeu, “vështrime me ambasadorin Abbot lidhur me ecurinë e dialogut dhe rolin pozitiv që mund të luaj Britania e Madhe në këtë drejtim”.
Po ashtu, Abbot i ka prezantuar presidentes Osmani nismën globale të Britanisë së Madhe kundër dhunës seksuale si mjet lufte.
“Në këtë drejtim, Presidentja Osmani ka shprehur mbështetjen e Republikës së Kosovës për të qenë pjesë e kësaj nisme duke u bërë pjesë e Deklaratës së përbashkët kundër dhunës seksuale në konflikt dhe konferencës së shteteve mbështetëse që parashihet të mbahet gjatë vitit 2022”.
Gjithashtu, të martën e shtatë dhjetorit presidentja ka pritur në takim edhe ambasadorin e Austrisë në Kosovë, Christoph Weidinger.
Gjatë këtij takimi palët kanë diskutuar për zhvillimet e fundit në vend, situatën me pandeminë si dhe zhvillimet në kuadër të procesit të dialogut.
“Takimi u realizua me qëllim të diskutimit të të arriturave dhe sfidave përgjatë vitit 2021, si dhe për të diskutuar mbi mundësitë për thellim të bashkëpunimit në vitin e ri”, thuhet në njoftimin e presidencës.
Osmani ka vlerësuar lartë prezencën aktive dhe angazhimin e vazhdueshëm të Austrisë në Kosovë dhe mbështetjen për integrim në Bashkimin Evropian.
“Ajo ritheksoj përkushtimin e Kosovës për intensifikim të vazhdueshëm të shkëmbimeve dhe vizitave bilaterale, si vazhdimësi e takimeve të realizuara në qershor të këtij viti me presidentin austriak Alexander Van der Bellen dhe me krerët e institucioneve tjera austriake”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Putin: Negociatat e paqes marrin parasysh interesat e të gjitha vendeve të përfshira
-
Picula: Serbia dëshiron të kompensojë humbjen e Kosovës duke rritur ndikimin në Mal të Zi e Bosnje-Hercegovinë
-
Eurovision, delegacioni ukrainas gjobitet për bluza “politike”
-
Vijon gjuetia për ‘Mizën’ në Francë, pas vrasjes së dy policëve
Lajmet kryesore
-
Ripërtëritja e legjitimitetit të dobësuar e largimi i fokusit nga dështimi, faktorë që detyruan Kurtin të mendojë për zgjedhje
-
Ballkani Perëndimor duhet ‘të përqafojë’ energjinë e rinovueshme për ngrohjen qendrore
-
Aktet e solidaritetit të palestinezëve do të demonizohen, por kurrë nuk kanë qenë kaq të forta
-
Takimi i shtatë për dinarin – “rasti i fundit” për një zgjidhje kompromisi