Presidenti i Shqipërisë, Ilir Meta, gjatë qëndrimit në Prishtinë, është takuar edhe me përfaqësuesin e Bashkimit Evropian për dialogun Kosovë- Serbi, Miroslav Lajçak.
Këtë e bëri të ditur Meta përmes një postimi në rrjetin social në të cilin u shpreh se Shqipëria mbështet plotësisht procesin e dialogut Kosovë-Serbi.
“Kënaqësi të takoja në Prishtinë, Përfaqësuesin e Bashkimit Europian, për dialogun Kosovë – Serbi, z.Miroslav Lajçak. Shqipëria mbështet plotësisht procesin e dialogut Kosovë – Serbi”, ka shkruar Meta në Twitter.
Ai ka thënë se është koha për arritjen e një marrëveshjeje për njohje reciproke.
“Duke vlerësuar se tashmë është koha për arritjen e një marrëveshjeje për njohje reciproke të të dy vendeve. Së bashku vlerësuam rëndësinë e madhe të Procesit të Berlinit dhe gjithë iniciativave të tjera gjithëpërfshirëse për integrimin rajonal dhe europian të vendeve tona”.
(1/2) It was a pleasure meeting in Prishtina, the Representative of the EU for the Kosova-Serbia dialogue, @MiroslavLajcak. Albania fully supports the Kosova-Serbia dialogue process, estimating that now is the time to reach an agreement on mutual recognition of the two countries. pic.twitter.com/nbIGRyZXC0
— Ilir Meta (@ilirmetazyrtar) November 26, 2021
Më 25 nëntor edhe kryeministri i Kosovës, Albin Kurti ka pritur në takim Presidentin e Republikës së Shqipërisë, Ilir Meta.
Në këtë takim mes Metës dhe Kurtit është diskutuar lidhur me dialogun Kosovë- Serbi.
Kryeministri Kurti deklaroi se njohja e pavarësisë së Kosovës nuk mund të mbetet në fund, por ajo duhet të jetë në qendër të procesit.
“Lidhur me dialogun, kryeministri theksoi se njohja e pavarësisë së Kosovës nuk mund të mbetet në fund, por ajo duhet të jetë në qendër të procesit”, është thënë në njoftimin e zyrës së kryeministrit.
Edhe, presidentja e Kosovës, Vjosa Osmani, gjatë takimit me homologun e saj nga Shqipëria, Ilir Meta, ka thënë se është kundër çfarëdo iniciative e cila përpiqet ta trajtojë në mënyrë jo të barabartë Kosovën, duke iu referuar iniciativës rajonale “Open Balkan”.
Ndryshe, gjatë kësaj vizite Meta ka takuar edhe krerët e partive politike në Kosovë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
A mund ta përballojë BE-ja zgjerimin me Ukrainën dhe Ballkanin?
-
Tritoli në banesën e gjyqtarit, KLGJ: Kërcënim serioz për gjithë shoqërinë
-
Sa herë që jemi pranë marrëveshjes, ka sabotazh nga të dyja palët: Izraeli dhe Hamasi janë fajtorë, thotë Katari
-
Përkrahja e Kurtit s’i ndihmoi VLEN-it t’i fitojë zgjedhjet, Kasami për AP: Bashkëpunimi do të vazhdojë