“Nga viti i ardhshëm, do të jenë +150 kuota pranimi mbi ato aktualet për studentët e Mjekësisë”.
Kështu ka deklaruar ministrja e Shëndetësisë dhe Mbrojtjes Sociale, Ogerta Manastirliu, të hënën e 22 nëntorit pasi nënshkroi një Memorandum Bashkëpunimi me rektorin e Universitetit të Mjekësisë, Prof. Dr. Arben Gjata.
Kjo marrëveshje ka të bëjë me edhe me ofrimin e praktikave klinike e profesionale në disa spitale të vendit.
Ministrja në fjalën e saj tha se, “tashmë kuota e pranimit në vit do të jetë 450 studentë. Kjo është pjesë e planit disa vjeçar për të patur më shumë mjekë të përgjithshëm”.
Më tej Manastirliu duke e konsideruar një sfidë rritjen e kuotave në Mjekësi, ajo tha se në spitalet Rajonale – ku është investuar së fundmi – do të vendosen në funksion të formimit dhe edukimit të studentëve dhe specialistëve.
Ajo përmendi spitale si ai i Elbasanit, i Durrësit, i Shkodrës dhe mbi të gjitha Spitalin Memorial të Fierit.
“Nuk është një sfidë e lehtë për të realizuar standardet me universitetet e tjera, në qytete të tjera, sikurse është Universiteti i Durrësit apo Universiteti i Elbasanit, por ngarkesën më të madhe do ta ketë sërish Universiteti i Mjekësisë së Tiranës”, theksoi Ministrja.
Nga ana tjetër Prof. Dr. Gjata i konsideroi këto spitale Rajonalë të gatshme për pritur specializantët e Mjekësisë.
Në vijim Ministrja bëri me dije se, “ka përfunduar projekti i përbashkët i Ministrisë së Shëndetësisë dhe Universitetit të Mjekësisë për të ngritur një qendër të bio-simulimit klinik”.
Kjo e fundit do të ndërtohet në ambientet ku sot është Spitali i Sëmundjeve të Brendshme, pasi të përfundojë përmbyllja e ndërtimit të spitalit të ri.
Për sa i përket ndërkombëtarizimit të Universiteti të Mjekësisë, Manastirliu ritheksoi se po ecët me ritme shumë të mira bashkëpunimi me Universitetin e Bolonjës dhe Universitetin e Mjekësisë në Budapest, në kuadër të zhvillimit të doktoratave të përbashkëta.
“Në vitet e fundit është dyfishuar numri i mjekëve për 1 mijë banorë. 1 mijë e 200 mjekë dhe 3 mijë e 800 infermierë janë punësuar në katër vitet e fundit nëpërmjet portalit ‘Mjekë për Shqipërinë’ dhe ‘Infermierë për Shqipërinë’”, e përmbylli fjalën e saj ministrja Manastirliu.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Përurohet shtatorja më e madhe e Skënderbeut në tokën italiane, nga arbëreshët e San Basile-s
-
Shqipëria e dyta në botë për azilantët nën 18 vjeç në raport me popullatën, tregon Eurostat
-
Balla thotë se është koha të krijohet shërbimi vullnetar zjarrfikës
Lajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës