Ministri i Mbrojtjes së Republikës së Kosovës, Armend Mehaj, është takuar me shefin e Mbrojtjes së Forcave të Armatosura të Holandës, gjeneral Onno Eichelsheim.
Një bashkë-zbarkim i Forcave të Sigurisë së Kosovës (FSK) me trupat holandeze është i mundshëm dhe se kjo do të ishte një vlerë e shtuar për paqen dhe sigurinë globale, ka thënë Mehaj në një postim në rrjetin e tij social Facebook.
“Gjeneralit Eichelsheim i shpreha falënderimin për bashkëpunimin bilateral të suksesshëm të deritashëm”.
“Bashkë u dakorduam për të shqyrtuar mundësitë për thellimin tij të mëtejmë, veçanërisht për mundësinë e bashkë-zbarkimit të trupave tona në misione ndërkombëtare ku trupat holandeze janë të angazhuara”, ka shkruar ai.
I pari i Ministrisë së Mbrojtjes së Kosovës ka deklaruar se gjenerali holandez Eichelsheim ka premtuar mbështetje në shtimin e veprimeve të përbashkëta të të dy forcave ushtarake “duke na përgëzuar për orientimin tonë të fuqishëm drejtë anëtarësimit në NATO”, ka shkruar Mehaj.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ekskluzive: Franca kërkon shtyrje të vendimit për anëtarësim të Kosovës në KiE
-
Meta thotë se Rama dhe Veliaj janë përfshirë në fushatë në Maqedoninë e Veriut, jo Kurti
-
Publikohet dokumenti i armëpushimit që Hamasi e pranoi, por Izraeli e refuzoi – 3 faza në 3 muaj
-
Lajçak pret përgjigje konstruktive nga Kosova e Serbia mbi kompromisin e propozuar për dinarin