Futbollisti i skuadrës së Ballkanit, Theophilus Solomon, është zgjedhur si lojtari më i mirë i xhiros së 13-të në BKT Superligën e Kosovës në futboll.
Sulmuesi nigerian ishte futbollisti kryesor në fitoren që skuadra e tij arriti të fitojë ndaj Dritës me rezultat 2:0, duke shënuar dy golat e kësaj sfide.
Me këtë fitore, Ballkani siguroi vendin e parë në tabelë, me 24 pikë të grumbulluara, dy më shumë se Drita e Gjilani që renditen në pozitat dy dhe tre.
25 vjeçari po kalon në një formë mjaft të mirë, që nga transferimi në klubin e Ballkanit, derisa ky ishte goli i tretë i realizuar nga ai.
Kujtojmë që Solomon u transferua nga klubi nga Kuvajti, Qadsia SC, si një transferim i lirë, derisa në të kaluarën ai ka luajtur për klube të shumta kroate, kurse për dy vite qëndroi edhe te Partizani i Tiranës.
Atij iu dha çmimi nga Federata e Futbollit të Kosovës, së bashku me sponsorin e Superligës, Bankën Kombëtare Tregare, që po vazhdojnë pas çdo jave të ndajnë çmimin “Ylli i Javës”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Rama kërkon 20 milionë turistë vjetorë brenda 2030-ës, premton pagat më të mira në rajon për industrinë
-
I vunë tritol në banesë, KLGJ i cakton 6 muaj mbrojtje gjyqtarit Tonin Stërkaj
-
Blinken ka ‘shpresë’ se Hamasi do të pranojë marrëveshjen ‘jashtëzakonisht bujare’ të Gazës
-
Kurti kërkon nga Scholzi “mbështetje të palëkundur” në Këshillin e Evropës