Një variant i ri i coronavirusit që po e quhet “Delta Plus” mund të përhapet më lehtë se Delta e zakonshme.
Agjencia e Sigurisë Shëndetësore në Mbretërinë e Bashkuar (UKHSA) e ka vendosur atë në kategorinë e “varianteve nën hetim”, për të studiuar rrezikun e mundshëm.
Gjithsesi nuk ka ende asnjë provë se mund tё shkaktoj njё sëmundje më të rëndë dhe shkencëtarët janë të bindur se vaksinat ekzistuese funksionojnë mirë nё mbrojtjen ndaj tij.
Pavarësisht se Delta e rregullt përbën ende shumicën e infeksioneve COVID në MB, rastet e “Delta Plus” ose AY.4.2 kanë ardhur në rritje.
Të dhënat e fundit zyrtare tregojnё se 6% e rasteve me COVID janë të këtij lloji.
Ekspertët kanё thёnё se nuk ka gjasa të shpёrndahet nё mёnyrё tё konsiderueshme apo t’i rezistojё vaksinave, por zyrtarët thonë se ka disa prova të hershme se mund të ketë një normë rritjeje në MB.
Megjithatë, ndryshe nga Delta, ai nuk konsiderohet ende një “variant shqetësimi”, kategoria më e lartë e caktuar për variantet sipas nivelit të tyre të rrezikut.
Ka mijëra lloje të ndryshme, ose variante të COVID që qarkullojnë në të gjithë botën. Ekspertët thonë se, viruset ndryshojnë gjatë gjithë kohës, kështu që nuk është për t’u habitur të shohim versione të reja.
AY.4.2 është një degë e Delta që përfshin disa mutacione të reja që prekin proteinën “spikes”, të cilën virusi e përdor për të depërtuar në qelizat tona.
Mutacionet – Y145H dhe A222V – janë gjetur në linja të ndryshme të coronavirusit që nga fillimi i pandemisë.
Disa raste janë identifikuar edhe në SHBA dhe Danimarkë.
Anglia po ofron doza përforcuese të vaksinës COVID për njerëzit me rrezik më të lartë përpara dimrit, për t’u siguruar që ata të kenë mbrojtjen më të plotë kundër virusit.
Deri tani nuk ka asnjë sugjerim se do të nevojitet një përditësim i ri i vaksinës për t’u mbrojtur kundër ndonjë prej varianteve ekzistuese të COVID-19.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rama: Po bëjmë negociata me Filipinet për të marrë krahë pune
-
“Asnjëherë s’më ka lënë në baltë – është i pa korruptuar”, Gërvalla me fjalë të mëdha për Kurtin
-
Kandidatja e partisë së Macron thotë se është mashtruar duke bërë një foto grupi ‘neo-naziste’
-
Haradinaj: E mbështes shpërbërjen e Kuvendit vetëm pas dorëheqjes apo shkarkimit të Kurtit
Lajmet kryesore
-
Kurti: Zgjedhjet më mirë në verë se në dimër, s’ka rëndësi a qeverisë edhe 10 muaj, apo edhe 3 muaj
-
Nisma e PS, Delegacioni i BE-së: Të mos preket reforma në Drejtësi
-
Izraeli thellon ofensivën në Rafah dhe rihyn në zonat veriore të Gazës
-
Krasniqi: Dallime me Kurtin kemi, por diskutimin e patëm të mirë