Në Meksikë brenda një dite janë identifikuar gati 2 mijë emigrantë, që kishin hyrë në vend në mënyrë të parregullt.
Operacionet e kontrollit nga Instituti Kombëtar i Migracionit (INM), të shtunën e 16 tetorit i raportuan qeverisë se numri i emigrantëve të paligjshëm që rezultonin në Meksikë ishte 1 mijë e 957.
Shumica, 532 emigrantë, u identifikuan në shtetin e Oaxaca, me 134 të raportuar në Puebla dhe 86 në Veracruz. Pjesa tjetër u gjet në zona të tjera të vendit.
Deklarata nuk specifikon nëse emigrantët janë ndaluar apo ku janë dërguar.
Ministri i Jashtëm i Meksikës, Marcelo Ebrard, paralajmëroi këtë javë se Shtetet e Bashkuara duhet të investojnë më shumë në Amerikën Qendrore nëse shpresojnë të ngadalësojnë nivelet rekord të migrimit drejt veriut
Një numër rekord emigrantësh kanë kaluar përmes Meksikës këtë vit drejt kufirit me SHBA-të, duke ikur nga dhuna dhe krizat ekonomike që rrjedhin nga pandemia COVID-19.
Shumë nga emigrantët, të cilët po u largohen fatkeqësive natyrore, varfërisë dhe trazirat politike, kanë arritur në kufirin pёrmes Amerikës Latine.
Ndërsa emigrantёt domenikanё, venezuelianё dhe kubanё strehohen në kampin në Del Rio, shumica dërrmuese vijnë nga Haiti.
Një numër i konsiderueshëm i tyre u larguan pas tërmetit shkatërrues që goditi vendin në vitin 2010, duke u vendosur në Brazil dhe vende të tjera të Amerikës së Jugut.
Haiti ka vuajtur gjithashtu nga vite të paqëndrueshmërisë politike, të cilat kulmuan me vrasjen e presidentit Jovenel Moise, në korrik.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Lobimi serb në OKB kundër rezolutës për Gjenocidin e Srebrenicës, si po e ndihmojnë rusët dhe kinezët?
-
Shkërmoqen konservatorët në zgjedhjet vendore britanike, rezultojnë forcë e tretë
-
Pa një plan diplomatik për Gazën e pasluftës, Jordania ka frikë se do të detyrohet të njohë Hamasin
-
Shqipëria e dyta në botë për azilantët nën 18 vjeç në raport me popullatën, tregon Eurostat
Lajmet kryesore
-
Shqipëria e dyta në botë për azilantët nën 18 vjeç në raport me popullatën, tregon Eurostat
-
Lobimi serb në OKB kundër rezolutës për Gjenocidin e Srebrenicës, si po e ndihmojnë rusët dhe kinezët?
-
Pa një plan diplomatik për Gazën e pasluftës, Jordania ka frikë se do të detyrohet të njohë Hamasin
-
Kushtëzimi i KiE-së me Asociacionin, Selimi: Kurti s’arriti të ndërtoi një platformë të mirë lobimi, shpërdoroi disa raste