Komiteti Teknik i Ekspertëve njoftoi se është vënë re një rritje e rasteve të Covid-19 gjatë muajit janar, përfshi rritjen e incidencës javore. Kjo e fundit, është rritur në 209 për 100 mijë banorë.
Rritja cilësohet si e rëndësishme nga Bino, pasi një javë më parë ishte 200 për 100 mijë banorë. Kjo gjë kombinohet gjithashtu me rritjen e numrit të vdekjeve. Shtrimet në spitale janë rritur gjithashtu.
Të gjitha grupmoshat janë të prekura nga Covid-i. Bino theksoi gjithashtu se Shqipëria është ndër vendet e pakta që nuk respekton masat. Të shtruarit në gjendje të rënduar janë në numër të lartë. Shtrimet po shohin gjithashtu një trend në rritje.
Mosha më e prekur ndërkohë, është ajo 50-60 vjeçe.
Vërejmë një rritje e numrit të rasteve te të gjitha grupmoshat gjatë muajit janar. Rritja më e madhe vihet re në Tiranë, por dhe në rrethe të tjera, si në Durrës, në Fier. Incidenca më e lartë vërehet në Sarandë.
Është parë një shtim i numrit të personave të infektuar dhe të personave të sëmurë. Në spitale janë shtruar persona në gjendje kritike. Ka një rritje e numrit të të shtruarve në spitale. Jemi nga të paktat vende që nuk respektojmë mbajtjen e masave.
“Sikurse është referuar, është parë një shtim i numrit të personave të infektuar, dhe kjo pasqyrohet dhe në shtimin e personave të shtruar në spital. Të shtruarit në spitale janë pacientët në formën mbi atë të moderuar, të rëndë apo kritike. Ditët e fundit evidentohen raste të shtuar të shtrimeve të COVID. Kjo tregon një trend në rritje”, njoftoi Najada Çomo. Drejtoresha e Institutit të Shëndetit Publik, Silva Bino, tha se vaksina kundër coronavirus-it ka 95 përqind siguri në dozën e dytë. Për sa i përket vaksinave, ato do të përdoren fillimisht për vijën e parë.
“Dy javë pas dozës së parë krijohet mbrojtja”, theksoi Bino.
Ajo kërkoi që qytetarët të bashkëpunonin dhe të zbatonin masat në çdo situatë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Humza Yousaf do të japë dorëheqjen si ministër i parë i Skocisë që sot, sipas BBC
-
Karabina: PD është e vendosur në mbështetjen e pakushtëzuar ndaj SPAK-ut, nëpërmjet amendamenteve të saj
-
Rrëfimi rrëqethës i Ermal Metës për sulmet e panikut: Për një kohë të gjatë u vetësabotova, përfundova në telashe me sjellje të paqarta, terapia ishte themelore
-
Çfarë parashikon projektligji me kushtet e reja për abortin dhe lindjet invitro?