Ka mbaruar seria e barazimeve në Abissnet Superiore. Egnatia ka arritur të marrë një fitore me shumë vlera përballë Kastriotit.
Në ndeshjen e javës së katërt të Superiores, e luajtur në Rrogozhinë, ishin vendasit që triumfuan me rezultatin 2-1.
Dy kartona të kuq u morën në këtë ndeshje. Përkatësisht nga një për secilin ekipip. Kartonin e parë të kuq e morën miqtë në minutën e 52. Eneid Kodra doli nga fusha e lojës para kohe.
Në të 77 minutë do të ishte radha e Egnatias të mbeste me 10 lojtarë në fushë. Bruno Telushi ishte i ndëshkuari te vendasit.
Golin e parë të takimit e shënoi Egnatia, me anë të Pedro-s në të 25 minutë. Miqtë nga Kruja do të barazonin përkohësisht ndeshjen me anë të Spartak Ajazit në minutën e 61.
Kur të gjithë menduan se edhe kjo ndeshje do të përfundonte në barazim, nuk mendoi kështu Pedro. Braziliani shënoi golin e dytë personal dhe atë të fitores për vendasit në të 90+2 minutë.
Pas katër javëve të luajtura, Egnatia numëron pesë pikë në renditje. Kastrioti ka një pikë dhe renditet në vendin e fundit të tabelës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ranucci tregon pse nuk u transmetua pjesa e dytë e ‘Report’ për Shqipërinë
-
I vunë tritol në banesë, KLGJ i cakton 6 muaj mbrojtje gjyqtarit Tonin Stërkaj
-
Celibashi i bën thirrje Kuvendit të vendosë për votën e diasporës
-
“European Pravda”: Bislimi s’e përdori fjalinë “gati për luftë” në asnjë rast, pavarësisht se u pyet specifikisht për mundësinë e luftës