Të jetosh shumë jetë.
Por, për Tokyo-n, kjo ishte e fundit!
Apogjeu i gjysmës së parë të sezonit të pestë të serialit të ndjekur ndërkombëtarisht, “La Casa de Papel”, erdhi kur narratorja e gjithë historikut, Tokyo, i dha fund jetës së saj në përpjekje për të fituar kohë e për të shpëtuar pjesëtarët e tjerë të ekipit.
Rrugëtimi i saj ka qenë ndër më mbresëlënësit përgjatë gjithë sezoneve të serialit.
Pikërisht gjatë sezonit të pestë, u zbulua edhe historia e shkuar e Tokyo-s, e cila ishte jo shumë e ndryshme nga ajo e përjetuar me Rio-n në katër sezonet e para.
Vetë aktorja që mishëron Tokyo-n, Ursula Corbero, pati deklaruar më parë se nuk ndihej gati për t’i dhënë fund rolit të saj. Por, me sa duket, regjisori nuk ka pasur të njëjtin mendim.
Dashamirës të serialit nga e gjithë bota, kanë mbetur të shtangur nga rezultantja e minutave të fundit të serisë përmbyllëse. Jo të paktë kanë qenë ata ndër lot, duke e postuar edhe në media sociale reagimin e tyre.
Më 3 dhjetor, “La Casa de Papel” do të rikthehet me gjysmën e dytë të sezonit. Aty ku pritet edhe dalja e madhe e grupit nga Banka e Spanjës.
Një dalje, e cila duket se nuk do të kryhet me Tokyo-n si pjesë e ekipit.
Megjithatë, narrativa, mund të mbetet ende në zërin e saj.
Por, për momentin, ashtu si është referencë e mirënjohur e serialit, për Tokyon, është “Boom Boom Ciao”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kevin Spacey kritikon dokumentarin e ardhshëm që do të shqyrtojë akuzat ndaj tij për abuzim dhe sjellje të pahijshme seksuale
-
Paul Rudd dhe Nick Jonas do të luajnë në komedinë muzikore “Power Balad” të regjisorit John Carney
-
“The Fall Guy” nuk arrin lartësitë e nevojshme për të bërë një spërkatje vërtet të madhe
-
Amy Schumer dhe Jennifer Lawrence synojnë të sjellin një film, por jo komedinë e premtuar vite më parë
Lajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës