![](https://albanianpost.com/wp-content/uploads/2021/06/PMDWCY55QJOYHBOHHABBGVXKAM-scaled.jpg)
Nuk do të ketë më kërkime për trupa të humbur në ndërtesën 12-katëshe të shembur në Florida më 24 qershor 2021.
Zjarrfikësit kanë përmbyllur gërmimet dhe gjetjet, duke qartësuar se nuk mund të ketë më asnjë trup të pajetë në rrënojat e godinës. Bilanci përfundimtar, është i të paktën 97 personave të vdekur në ngjarje.
Vetëm një banor i pallatit nuk është identifikuar ende. Ndërsa, në jetë, pas shembjes, nuk është nxjerrë askush.
Lufta me 13 mijë tonë beton e çelik u zhvilluar për një muaj me radhë, duke përjashtuar ndërprerje të vogla. Rrënojat tashmë thuajse janë pastruar duke u çuar në vendodhjen përkatëse.
Zjarrfikësit kanë punuar në turne 12-orëshe për të bërë të pamundurën, mbi gjetjen e të mbijetuarve të mundshëm.
“Është shkatërruese. Një situatë shumë e vështirë për ne në përgjithësi”, tha pas përfundimit të kërkimeve Alan Cominsky, shef i njësive zjarrfikëse.
Shqetësimit se pse kërkimet vijuan kaq gjatë, autoritetet iu përgjigjën se kishte mbetur vetëm një person për t’u lokalizuar.
Estelle Hedaya-s, 54 vjeçe, nuk i është gjetur trupi ende. Të afërmit e saj janë të frikësuar se Estelle mund të harrohet. Mirëpo nga zjarrfikësit, është siguruar se nuk ka pasur asnjë shenjë të saj në gërmadhën e krijuar nga shembja e godinës.
Më 24 qershor, ndërtesa 40-vjeçare në Florida u shemb pjesërisht, në më shumë se gjysmën e saj.
Sipas disa inspektimeve të kryera në vitin 2018, tragjedia ishte e paralajmëruar nga disa raporte, të cilat kishin pikasur një gabim në sistemin e kullimit të ujit.
E quajtur Champlain Towers, godina ishte në prag restaurimi. Një plan shumë milionë dollarësh ishte menduar të vihej në zbatim. Por, ky plan mori fund, natën e 24 qershorit, kur themelet e një pjese të saj lëshuan pe, duke e bërë të shembet.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Alibeaj i dorëzon Kuvendit kërkesën për t’u larguar nga grupi parlamentar i PD-së
-
Arbër Hoxha: Spanja është ekipi më i mirë i Euro 2024, na pret ndeshje e vështirë
-
Në Parlamentin Evropian, e djathta ekstreme është e ndarë: katër grupe të gatshme për t’u përballur me njëri-tjetrin
-
Prokurorët amerikanë rekomandojnë kallëzim penal ndaj Boeing
Lajmet kryesore
-
Të enjten Kuvendi vendos për të themeluar ose jo Komision për hajnitë e Liburn Aliut e Naser Hafizit me ambalazhuesit e ujit
-
Partia Demokratike në protestë kombëtare, më 12-13 korrik
-
Ndarja e votuesve të rinj në Iran mbi protestat e vitit 2022 formëson garën presidenciale
-
Konjufca s’pret të dalë “diçka” nga takimi Kurti-Vuçiç: Asociacioni – njëherë për njëherë – s’është në rend dite