Gjykata Speciale

Ish ushtari i UÇK-së pyetet për Skender Hoxhën e Blerim Kuçin në Speciale  


Prokurori i Speciales Matthew Halling dhe dëshmitari Kurtesh Fondaj.

Ish ushtari i Ushtrisë Çlirimtare të Kosovës, Kurtesh Fondaj, i cili është duke dëshmuar në Dhomat e Specializuara të Kosovës në Gjykatën Speciale është pyetur për funksionet që kishin Skender Hoxhën dhe Blerim Kuçi, në UÇK.

Ai fillimisht është pyetur nga prokurori Matthew Halling nëse Skendër Hoxha, ka qenë profesionist dhe për vështirësitë që kishte në zonën që udhëhiqej nga ai.

Ndërkaq, është pyetur edhe për disa problematike që pretendohet se ka pasur Blerim Kuçi, sipas një dokumenti, por i cili s’është bërë publik për audiencën.

Pjesë nga intervistimi:

Matthew Halling: Skender Hoxha, a ka qenë ushtar profesionist sikurse ju?

Kurtesh Fondaj: Me aq sa mbaj mend po ka qenë ushtarak, ka qenë me shkollë të mesme ushtarake.

Matthew Halling: Kur thoni dytësor ishte i njëjti nivel arsimi ushtarak që kishit edhe ju?

Kurtesh Fondaj: Jo, unë e kam të kryer teknikën akademike ushtarake, do të thotë grada ime ka qenë e oficerit dhe kam pasur gradën toger dhe Skenderi në ish-armatën jugosllave i ka pasur detyrat e nënoficerit, respektivisht gradave rreshter.

Matthew Halling: Grada rreshter është me ulët sesa grada që kishit ju apo jo?

Kurtesh Fondaj: Po, grada rreshter është gradë nën atë të oficerit.

Matthew Halling: Çfarë vështirësish kishte Skendër Hoxha në zonën e tij? Me çfarë vështirësish do ta ndihmonit ju atë?

Kurtesh Fondaj: Qëllimi ka qenë që  të shohim sa është numri i eprorëve, ushtarëve, kuadrit tjetër komandues. Pra, në të vërtetë kur kërkonim raporte në zonë në lidhje me situatën në brigadë, Skender Hoxha, nuk kishte informacione që të jap këto shënime, ishte çështja që si të bëhet dhe si të funksionoj që të mund ta kryej dhe ti mbledh të dhënat dhe ta vendos të gjithë strukturën nën komandën e tij. Ka kaluar shumë kohë tani, unë po flas vetëm me hamendje.

Matthew Halling: Me aq sa dini ju, problematikat në zonën e Skendër Hoxhës, vijuan edhe pasi u larguat ju nga zona?

Kurtesh Fondaj: Nuk e di, specifikisht çfarë ka pasur, tek ka pasur sepse kam pasur edhe unë shumë punë të tjera, kështuqe nuk jam marrë më me këtë problematik.

Matthew Halling: Do të ju bëjë disa pyetje lidhur me ndalimin e Blerim Kuçit, që keni diskutuar në intervistën e juaj me ZPS-në. Në veçanti do të flasim për deklaratën që keni dhënë në mbrojtje të Blerim Kuçit? Fillimisht, shohim dokumentin që e lexon aktakuzë dhe ku do të shihni disa pretendime në paragrafin më poshtë, a janë të njëjta pretendime që u ngritën kundër Blerim Kuçit?

Kurtesh Fondaj: Unë këtë dokument e kam parë në fazën përgatitore sa e kam pasur me juve, paraprakisht se kam parë këtë dokument. Por, bazuar në atë çka po shkruhet këtu edhe unë si pjesëtar i UÇK-së e kam pasur bindjen se për këtë problematik po akuzohet Blerimi.

Matthew Halling: Do të flasim për shkurtin e 1999-së, që ka qenë edhe periudha kur keni qenë Shef Shtabi në Zonën e Pashtrikut. Gjatë seancës përgatitore, a mban mend që të kërkuam që të shkruash zonën e përgjegjësisë që kishte kjo zonë në atë kohë?

Kurtesh Fondaj: Po.

Dëshmia e Fondajt, pritet të zgjasë dy ditë.

Prej mbi 300 dëshmitarëve në total, deri më tani janë dëgjuar 72 prej tyre – shqiptarë, serbë, ekspertë ndërkombëtarë, ish-komandantë të UÇK-së e viktima të pretenduara të luftës – kryesisht në seanca të mbyllura.

Ish-presidenti i Kosovës, ish-kryeparlamentarët kosovarë dhe ish-shefi i deputetëve të Lëvizjes Vetëvendosjes (LVV), po akuzohen nga Zyra e Prokurorit të Specializuar (ZPS) për vrasje të pretenduara, torturë e trajtim mizor në periudhën midis viteve 1998–1999.

Në procesin gjyqësor që nisi më 3 prill 2023, katër ish-drejtuesit e UÇK-së u deklaruan të pafajshëm.

Ish ushtari i UÇK-së nis dëshminë në Speciale

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore