Kosova

Shkaktoi aksidentin ku humbi jetën një person – arrestohet zyrtari policor


Inspektorati Policor i Kosovës, të dielën, ka njoftuar se një zyrtar policor është arrestuar nën dyshimin se kishte shkaktuar aksident trafiku në rrugën Prishtinë-Fushë-Kosovë, në orët e vona të së shtunës.

Polici i arrestuar dyshohet për veprën penale “rrezikim i trafikut publik” në aksidentin ku humbi jetën një person.

Zyrtari policor, sipas IPK-së, ishte me veturë civile dhe jashtë detyrës zyrtare.

“Bazuar në veprimet hetimore dyshohet se shkaktar i aksidentit është zyrtari policor i cili është arrestuar sot në orët e mbrëmjes me dyshimin se i njëjti ka kryer veprën penale ‘rrezikim i trafikut publik’.

Zyrtarit policor me aktvendim të prokurorit i është caktuar masa e ndalimit për 48 orë.

Aksidenti me fatalitet ndodhi rreth orës 23:00 të shtunën ku u përfshinë katër automjete.

Nga aksidenti mbetën të lënduar 5 persona të cilët morën tretman mjekësor.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore