Gjatë ndeshjes së djeshme kampionale mes Tiranës dhe Kastriotit, kanë rënë në prangat e policisë presidenti i klubit të Kastriotit, Alban Vogli dhe Drejtori Teknik i po të njëjtit klub, Gazmend Vogli.
Kjo ndërprerje erdhi pas golit të vetëm në ndeshje, të shënuar nga Tirana.
Sipas krutanëve, ky gol erdhi si rrjedhojë e mosrespektimit të fair play-t nga klubi kryeqytetas, i cili me golin e Hoxhallarit, arriti të sigurojë edhe tre pikët.
Burime nga klubi i Kastriotit, flasin për Albanian Post rreth ngjarjes.
“Gjatë ndeshjes së djeshme Tirana-Kastrioti, në shumë momente pati faulla dhe dëmtime të lojtarëve të Tiranës. Futbollistët e Kastriotit gjithmonë nxirrnin topin jashtë duke respektuar fair play-n”.
Por, të njejtën gjë nuk e bëri edhe Tirana, sipas tyre, “Krejt e kundërta ndodhi në momentin para sherrit, ku lojtarët e Tiranës nuk e respektuan dhe si rrjedhojë erdhi goli”.
“Krutanët protestuan për fair play-n e munguar nga Tirana dhe kërkuan që të ndiqej shembulli i Partizani-Kukësi, gjë e cila nuk u respektua”.
“Kjo shkaktoi momente nervozizmi”, ku burime nga Kastrioti tregojnë për Albanian Post se “trajneri dhe drejtori sportiv u futën në fushë për të qetësuar gjakrat”.
“Po në ato momente, edhe presidenti i klubit të Kastriotit, Alban Vogli, zbriti nga tribuna”.
Ndryshe nga raportimi i policisë, te Kastrioti burimet e Albanian Post shtojnë “që presidenti nuk u fut në fushë, por u shoqërua menjëherë nga forcat e rendit”.
“Gjatë sherrit ka pasur normalisht dhe grushte mes palëve”, mbyllin ata.
Trajneri i Kastriotit, Ramadan Ndreu, pas ndeshjes tha që “Tirana nuk e respektoi fair play-n dhe që loja duhej ndalur para golit”.
Kurse, në anën tjetër, trajneri i Tiranës, Orges Shehi, thotë se “skuadra e tij nuk është anti-fair play, por është fair-play më shumë se ç’duhet”.
Kastrioti është në vendin e shtatë, vetëm një pikë mbi vendin e tetë dhe nëntë, dhe lufta për mbetjen në Superiore në këto javët e fundit, pritet të jetë shumë e ashpër.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Shqipëria e dyta në botë për azilantët nën 18 vjeç në raport me popullatën, tregon Eurostat
-
Lobimi serb në OKB kundër rezolutës për Gjenocidin e Srebrenicës, si po e ndihmojnë rusët dhe kinezët?
-
Pa një plan diplomatik për Gazën e pasluftës, Jordania ka frikë se do të detyrohet të njohë Hamasin
-
Kushtëzimi i KiE-së me Asociacionin, Selimi: Kurti s’arriti të ndërtoi një platformë të mirë lobimi, shpërdoroi disa raste