Rreth 79.9% e qytetarëve që jetojnë në entitetin e Republikës Serbe të Bosnje-Hercegovinës janë kundër anëtarësimit të saj në Nato. Këto janë rezultatet e një sondazhi publik, lidhur me integrimin euro-atlantik të Bosnjës. Ky sondazh u prezantua nga përfaqësuesit e Fakultetit të Shkencave Sociale në Banja Luka.
Helena Krnetic, studente e doktoratës në Fakultetin e Psikologjisë dhe të Neuroshkencës tha se 51% e të anketuarve kishin bindjen se futja e vendit në NATO do të vinte në rrezik mbijetesën e Republikës Serbe.
Kur bëhet fjalë për Bashkimin Evropian (BE), qytetarët e përfytyrojnë më të qëndrueshëm nga ana ekonomiko-politike dhe në të njëjtën kohë e mendojnë si një hapsirë më tërheqëse.
Krnetic-i deklaroi se vëzhgimi i qëndrimeve të qytetarëve të Republikës Serbe të Bosnjës lidhur me integrimin evropian dhe me anëtarsimin në NATO u menaxhua në tre faza. “Faza e parë përfundoi në tetor të vitit 2019, e dyta në shkurt dhe faza e tretë në qershor të këtij viti. Në të tre anketat ne kemi marrë rezultate të të uniformizuara, që nënkuptojnë dukshëm qëndrimin negativ të qytetarëve të Republikës Serbe në Bosnjë ndaj anëtarësimit në NATO”.
Zeljko Budimir-i, profesor në Fakultetin e Psikologjisë dhe të Neuroshkencës tha se nga ky kërkim mund të arrinte në përfundimin se qytetarët e Republikës Serbe në Bosnje janë totalisht kundër integrimit të saj në NATO. Ai tha se qytetarët e Republikës Serbe të Bosnjë-Hercegovinës besojnë se integrimi në BE është i ndarë nga integrimi në NATO. Kjo është shumë e rëndësishme, pasi ka shumë presione, sidomos nga jashtë, që ky lloj integrimi i përket konceptit të vetëm të integrimit Euro-Atlantik.
Studimi i anketimit tregon se mbështetja për t`u anëtarësuar në BE në tre fazat e sondazhit nuk ra nën 50%, ndërkohë që një trend negativ u vu re lidhur me anëtarësimin e Bosnjë-Hercegovinës në NATO, transmeton Albanian Post për Sarajevo Times./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
A po paralajmëron Taravari koalicion me VMRO-DPMNE?
-
Thaçi i kërkon bast Kurtit: Nëse humb zgjedhjet në Tetovë, duhet ta lirosh karrigen e kryeministrit – nëse fiton…
-
Vuçiç kërkon falje pasi i quajti sllovenët “të neveritshëm”
-
Mexhiti pasi humbi zgjedhjet: Gjithçka po shkon sipas planit, regjimi Ahmeti, Grubi, Osmani do të bjerë