15 vjet në NATO/ Peleshi: Përkushtimi ndaj vlerave euroatlantike do të mbetet i pandryshuar
Ministri i Mbrojtjes, Niko Peleshi, ka theksuar edhe njëherë se përkushtimi i Shqipërisë ndaj vlerave euroatlantike do të mbetet i pandryshuar.
Këtë mesazh, ai e ka përcjellë në kuadër të 15 vjetorit të Shqipërisë në NATO.
“Krenarë që jemi pjesë e kësaj historie. Përkushtimi ynë ndaj vlerave euroatlantike do të vazhdojë të mbetet i pandryshuar”.
Ai ka thënë se 15 vjet më parë Shqipëria u bë zyrtarisht anëtare me të drejta të plota e Aleancës më të fortë politiko-ushtarake të NATO-s.
“Në këtë përvjetor ajo qëndron e palëkundur në misionin e saj krah SHBA dhe aleatëve e partnerëve të saj, në mbrojtje të paqes dhe sigurisë në Botë”, ka vijuar ai.
Me pjesëmarrjen e efektivëve më të mirë të Forcave të Armatosura në misionet ndërkombëtare, sipas tij, Shqipëria i është bashkuar përpjekjeve të Aleancës për të përballuar sfidat e sigurisë, duke u vlerësuar si një aleate dinjitoze e NATO-s.
“Në përmbushje të detyrimeve ndaj Aleancës Shqipëria ka rritur ndjeshëm mbështetjen buxhetore për mbrojtjen, duke arritur objektivin 2 % të Prodhimit të Brendshëm Bruto. Ndërsa vijon modernizimi dhe rritja e kapaciteteve brenda Forcave të Armatosura. Investimet në kapacitete dhe në teknologjinë moderne tregojnë se vendi ynë çdo ditë e më shumë po ndërton një forcë solide ushtarake për mbrojtjen e Atdheut dhe përballjen me sukses të sfidave të së ardhmes”.
Ai ka vijuar duke treguar se më 4 mars 2024 u inaugurua baza taktike ajrore e NATO-s në Kuçovë, e cila do të jetë në funksion të misioneve të NATO-s, si pika e vetme strategjike e Aleancës në Ballkanin Perëndimor, “duke bërë që Shqipëria të marrë më shumë përgjegjësi për paqen dhe sigurinë në rajon”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rezoluta antikorrupsion kaloi mes debatesh, por çfarë parashikon?
-
Ballkani Perëndimor përballet me afate të detyrueshme në lidhje me tregun e energjisë elektrike
-
Parashikimi i motit, 28 maj 2024
-
‘Dualizmi’ i Mitsotakis – Nga një anë thotë se është mbështetësi kryesor i integrimit të Ballkanit, nga tjetra i vë kushte Shqipërisë dhe Maqedonisë së Veriut
Lajmet kryesore
-
Rezoluta antikorrupsion kaloi mes debatesh, por çfarë parashikon?
-
Ballkani Perëndimor përballet me afate të detyrueshme në lidhje me tregun e energjisë elektrike
-
Masakra e civilëve në Rafah: Fëmijët tanë të copëtuar nga bombat, ndoshta nuk konsiderohemi qenie njerëzore
-
Kurti: SHBA-ja e BE-ja “shumë të buta” ndaj Serbisë