Ambasadorja e Shteteve të Bashkuara të Amerikës (ShBA), Angela Aggeler, ka uruar Gordana Siljanovska Davkova, për fitoren e thellë në zgjedhjet presidenciale, duke e konsideruar si historike që për herë të parë një grua të bëhet Presidente e Maqedonisë së Veriut.
Këto komente, Aggeler i ka bërë përmes një postimi në platformën X, pasi që janë numëruar 99,97 për qind e votave, në të cilat Siljanovska Davkova del që ka fituar plotë 560 mijë e 744 vota, apo 65,15 për qind, ndërsa Stevo Pendarovksi, ka marrë vetëm 251 mijë e 755 vota, apo 29,25 për qind.
“Urimet e mia të përzemërta për Gordana Siljanovska-Davkova për zgjedhjen e saj historike si presidentja e parë grua e Maqedonisë së Veriut. Urime edhe për të gjithë ata qytetarë që ushtruan të drejtën e votës dje në zgjedhjet presidenciale dhe parlamentare”, shkroi Aggler.
Ajo ka theksuar se shteti që përfaqëson do të vazhdojë të mbështesë “synimet tuaja për sigurinë, prosperitetin dhe integrimin e plotë euroatlantik të këtij vendi.
My heartfelt congratulations to Gordana Siljanovska-Davkova on her historic election as the first female president of North Macedonia. Congratulations also to all those citizens who exercised their right to vote yesterday in presidential and parliamentary elections. The United…
— Ambassador Angela Aggeler (@USAmbNMacedonia) May 9, 2024
Siljanovska Presidente e re e RMV-së, VMRO merr 58 deputetë, “Fronti Evropian” 19, LSDM 18, “VLEN 13
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com