Spanjolli, Ferran Torres, është bërë nënshkrimi i parë i Xavi Hernandez-it në krye të stolit të Barcelona-s. 21-vjeçari vjen nga skuadra e Manchester City-t.
Skuadra spanjolle ka paguar 46.7 milionë paund për kartonin e Torres-it. Lajmi për transferimin e tij është bërë i ditur një javë më parë.
Këtë të martë të 28 dhjetorit, talenti spanjoll kreu vizitat mjeksore. 21-vjeçari do të jetë pjesë e Barcelona-s për pesë vitet e ardhshme. Klubi gjithashtu i ka vendosur një klauzolë largimi në vlerën e 1 miliardë eurove.
Zyrtarisht, para fansave të Barcelona-s, ai do të prezantohet më 3 janar, pasi të hapet merkato e janarit. Skuadra kthehet në stërvitje më 2 janar.
Torres-i nuk do e ketë herën e parë në La Liga. Ai është aktivizuar më herët me Valencia-n, para se të shkonte në Premier League. Në këtë të fundit, u paraqit 43 ndeshje, duke shënuar 16 gola.
Opsionet e sulmit të Barcelona-s, u dobësuan pas njoftimit të tërheqjes nga futbolli i luajtur të Sergio Aguero-s. Ndërkohë, pritet edhe largimi i Luuk de Jong-ut.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Pjesëmarrje masive në tubimin qendror të Frontit Evropian në Tetovë
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Marrëveshja e mbrojtjes me Arabinë Saudite nuk është e mundur pa normalizimin me Izraelin, thonë SHBA-të
-
Mesazhi i Kurtit në 75-vjetorin e Këshillit të Evropës: Kosova – vend që plotëson kriteret e anëtarësimit