Zvicra publikon listën e futbollistëve të ftuar për ndeshjet e shtatorit, ftohen tre futbollistë shqiptarë
Përzgjedhësi i ri i kombëtares së Zvicrës, Murat Yakin, ka publikuar listën e futbollistëve të ftuar për ndeshjet kualifikuese të Kupës së Botës, “Katar 2022”.
Në listën e futbollistëve të ftuar, si zakonisht nuk mungojnë as ata me prejardhje shqiptare.
Xherdan Shaqiri e Granit Xhaka janë të padiskutueshmit në formacionin e helvetikëve, derisa këtë herë ftesë ka marrë edhe Andi Zeqiri.
Das erste Aufgebot von Murat Yakin
La première convocation de Murat Yakin
La prima convocazione di Murat Yakin🇨🇭🆚 🇬🇷
📆 1.9 | 🕘 20h45
🎟️ 👉 https://t.co/LvDlnGCgvt🇨🇭🆚 🇮🇹
📆 5.9 | 🕘 20h45
🎟️ 👉 https://t.co/LvDlnGCgvt (ab/dès/dal 30.8, 14h00)NIR 🆚🇨🇭
📆 8.9 | 🕘 20h45 pic.twitter.com/Ao477D5pJv— 🇨🇭 Nati (@nati_sfv_asf) August 27, 2021
Ndeshjen e parë, Zvicra do ta luajë miqësoren përballë Greqisë më 1 shtator, derisa kjo është edhe ndeshja debutuese e trajnerit të ri Murat Yakin, i cili zëvendësoi Vladimir Petkovic-in.
Kurse, më 5 shtator, helvetikët do të përballen në ndeshjen e parë kualifikuese të Kupës së Botës, ku do të presin kampionin e Evropës, Italinë.
Ndërsa, tre ditë më vonë, zviceranët do të përballen në udhëtim me Irlandën Veriore.
Përveç këtyre dy kombëtareve, Zvicra gjendet në grup edhe me Bulgarinë dhe Lituaninë.
Ndërkohë, Zvicra pozicionohet e dyta në Grupin C, me gjashtë pikë të grumbulluara në dy ndeshjet e para ndaj Bulgarisë dhe Lituanisë, ndërsa në vendin e parë është Italia me tri pikë më shumë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com