Lidhja Demokratike e Kosovës, përmes një konference për media, ka kritikuar qasjen e Qeverisë së Kosovës në raport me menaxhimin e shëndetësisë në Kosovë.
Sipas ish-ministrit të shëndetësisë, Armend Zemaj, Qeveria e Kosovës, mu në krye me Albin Kurti, nuk ka plan dhe as aftësi për të menaxhuar me shëndetësinë.
E si shembull për këtë, Zemaj në një konferencë për media ka dhënë largimin e Arben Vitisë dhe Rifat Latifi nga drejtimi i Ministrisë së Shëndetësisë për më pak se 2 vjet qeverisjeje.
“Një ministër e largoi në mes të pandemisë që të fitojë pushtet, pastaj Kurti caktoi një ministër që dukej që nuk kishte njohuri bazike të realitetit në Republikën e Kosovës, si i tillë shumicën e kohës së mandatit të tij e kaloi nëpër konference të ndryshme, sikur të mos ishte fare ministër i shëndetësisë”, ka
Dorëheqja e një ministri dhe caktimi i një ekipi ekzekutiv për menaxhim të shëndetësisë, sipas Zemajt, tregon se kryeministri dhe kjo Qeveri e ka pranuar dështimin e tij në këtë sektor.
Se Qeveria e Kosovës ka dështuar në menaxhimin e shëndetësisë sipas Zemajt tregojnë edhe shifrat investimeve kapitale në këtë fushë.
“Vetëm 5 për qind të investimeve kapitale janë realizuar në shëndetësi gjatë këtij viti”, ka theksuar Zemaj.
Përveç mungesës së investimeve kapitale në sektorin e shëndetësisë Kosova, sipas Zemajt, po përballet edhe me largimin e profesionistëve shëndetësor jashtë vendit për shkak të pagave të ulëta dhe trajtimit të keq.
“Vetëm për nëntë muajt e vitit 2022 janë larguar 180 mjek që i bie mesatarisht 20 mjek për muaj. Po ashtu është rritur numri i mjekëve të cilët e kanë lëshuar sektorin publik për atë privat për të njëjtat arsye. 22 anesteziolog e kanë lëshuar punën. Mungesa e specialistëve po sjellë mbingarkesë te sistemi shëndetësor te specialistët e tjerë, e kjo shkakton uljen e kualitetit të shërbimeve për pacientët në përgjithësi”, ka shpjeguar më tej ai.
“Shembulli i keq është furnizimi me barna dhe material shpenzues, është alarm në vetvete mungesa e barnave në listën esenciale tash është bërë e zakonshme . Kjo i bënë që qytetarët t’i blejnë barnat vetë”
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rezistencën dhe trimërinë e familjes Meha e pasoi UÇK-ja, thotë Haradinaj
-
Osmani: Qëllimi i regjimit kriminal të Serbisë ishte shfarosja
-
Vuçiç: Scholzin e informova për gjendjen e patolerueshme të serbëve në Kosovë
-
Kurti kërkon gjuhë të përbashkët për agjendën legjislative – Krasniqi synon ta bindë për zgjedhje të parakohshme
Lajmet kryesore
-
Shtyhet seanca gjyqësore për Beqajn, lidhur me Sterilizimin
-
Kompanitë privatët ia kalojnë HEC-eve shtetërore, sipas bilancit të tremujorit të parë
-
Reagon edhe Bullgaria ndaj Davkovës: S’pranojmë deklarata që bien ndesh me Marrëveshjen e fqinjësisë së mirë
-
Osmani: Qëllimi i regjimit kriminal të Serbisë ishte shfarosja