Olena Zelenska, Zonja e Parë e Ukrainës, ka refuzuar një ftesë për të marrë pjesë në fjalimin e presidentit amerikan Joe Biden në Kongres të enjten, më 7 mars.
Kjo pasi ajo pritej të ulej pranë të vesë së liderit të opozitës ruse Alexei Navalny-t, Yulia-s.
Plani i Shtëpisë së Bardhë ishte të ulte Zonjën e Parë të Shteteve të Bashkuara të Amerikës Jill Biden pranë Olena Zelenska-s dhe Yulia Navalnaya-s.
“Imazhi i të dyja grave, secila një simbol i rezistencës ndaj Presidentit rus Vladimir Putin, do të ofronte një sfond të fuqishëm për fjalimin e Presidentit Biden në një sesion të përbashkët të Kongresit”, shkruhet në raportimin e The Washington Post.
Megjithatë, prania e mundshme e Navalnaya-s shkaktoi shqetësim për Zelenska-n, pjesërisht për shkak të pozicionit të politikanit të ndjerë për përkatësinë e Krimesë.
Një zyrtar i Shtëpisë së Bardhë ka thënë se vendimi i Zelenska-s ka të ngjarë për shkak të “problemeve të orarit” dhe i referoi pyetje të tjera zyrës së Zonjës së Parë, e cila nuk iu përgjigj një kërkese për koment.
Navalnaya ka refuzuar po ashtu të marrë pjesë në fjalimin e Biden-it, gjoja sepse ajo ndihej e lodhur.
Sipas një zyrtari amerikan, Shtëpia e Bardhë ndoshta nuk e informoi Kievin se Navalnaya kishte vendosur të mos merrte pjesë në ngjarje.
Një arsye tjetër e mundshme për refuzimin e Zonjës së Parë të Ukrainës është dëshira e Presidentit ukrainas Volodymyr Zelenskyy për të shmangur politizimin e çështjes së ofrimit të ndihmës për Ukrainën dhe prishjen e marrëdhënieve me Partinë Republikane.
Në fjalimin e tij të enjten, më 7 mars, Presidenti Biden pritet t’u bëjë thirrje republikanëve të Dhomës së Përfaqësuesve që të kalojnë fondet për Ukrainën “sa më shpejt të jetë e mundur”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Europapa apo Baby Lasagna? – Garuesit për t’u pasur kujdes në Eurovision 2024
-
Kurti në Kongresin e socialistëve evropianë: Qëndrojmë në mbrojtje të demokracisë përballë autokratëve
-
Universitetet izraelite nuk mund t’u mësojnë hebrenjve amerikanë as gjënë themelore për të drejtat dhe lirinë e njeriut
Lajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës