![](https://albanianpost.com/wp-content/uploads/2021/11/FDnCwOYXMAEdmmM.jpg)
West Ham ka arritur të bëhet skuadra e parë pas 25 takimeve në të gjitha garat që e mposhtë Liverpool-in.
Në një pasdite të çmendur, çekanët e David Moyes e goditën fort skuadrën e Jurgen Klopp.
Dita e mirë shihet në mëngjes, e ndeshja e mirë shihet në fillim.
Vetëm pas katër minutave lojë, West Ham gjeti epërsinë, e ndihmuar pak edhe nga fati.
Portieri i Liverpool-it, Alisson Becker, për një fraksion sekondi e ngatëroi portën, e dërgoi topin në rrjetën e tij, dhe i dhuroi londinezëve epërsinë.
Kur u duk se periudha hapëse po mbyllej me epërsinë e vendasve, në skenë u ngjit Trent Alexander-Arnold.
Njeriu që po kalon formën jetësore, gjeti rrugën e rrjetës me një goditje të bukur nga gjuatja e lirë, për të barazuar shifrat.
Liverpool do shfaqej më mirë në pjesën e dytë, por kundërsulmi i West Ham do ishte fatal.
Një vrapim i bukur i Bowen, e vuri të vetëm Pablo Fornals përballë Alisson, që ashtu sikur ‘Pablo’ Picasso, pikturoi bukur topin në fundin e rrjetës së “London Stadium”.
Çekan mbi Liverpool-in, ishte goditja me kokë e Kurt Zouma që ngriti shifrat në 3-1.
Goli i Origi-t pak para fundit i dha shpresë të kuqve, por zëvendësimet e Moyes në mbrojtje dolën vendimtare që rezultati të mos ndryshojë.
West Ham arrin fitoren e madhe, duke u ngjitur në vendin e tretë, me 23 pikë aq sa City i vendit të dytë, dhe vetëm tre më pak se kryesuesit, rivalët e qytetit, Chelsea.
Liverpool-i mbetet e katërta pas 11 javësh, me 22 pikë.
Me triller pesë golësh, mbyllet perdja e Premier League për dy javë, për t’i lënë hapësirë ndeshjeve me shtete.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kurti, rekordmeni i takimeve me Vuçiç-in
-
3.3 milionë turistë hynë në Shqipëri deri në maj, rritje me 38% nga viti i shkuar
-
Zemërimi i Melonit për përjashtimin mund të rezultojë në abstenim në Këshillin Evropian
-
Konstituimi i Komisionit të Dezinformimit – Opozita jo uniformë, Doda dhe Mediu të pranishëm