Pas deklaratave të ministres së Punëve të Jashtme të Kosovës, Donika Gërvalla – Schwarz, në Samitin në Londër ku tha se Beogradi kishte nisur një fushatë destabilizimi në rajon – ka reaguar edhe ministri i Punëve të Brendshme të Serbisë, Aleksandër Vulin, i cili e ka quajtur Prishtinën, si “burim destabilizimi në rajon”.
Vulin ka thënë se destabilizimi i rajonit po bëhet si pasojë e publicitetit të “Shqipërisë së Madhe” si dhe arrestimit të serbëve në Kosovë dhe aksionet e njësive policore në veriun e vendit.
“Po bëhet destabilizimi sistematik i rajonit duke shpallur krijimin e ‘Shqipërisë së Madhe’, arrestimin e serbëve dhe inkursionet e njësive Rosso në veri të Kosovës”.
“Stabiliteti i rajonit është shqetësuar veçanërisht nga refuzimi i Prishtinës për t’iu përmbajtur Marrëveshjes së Brukselit dhe formimin e Unionit të Komunave Serbe”, tha Vulin, shkruan “Rs.n1info“.
Mes tjerash, Vulin, ka këruar shpjegime mbi “vonesën” e përmbushjes së marrëveshjes së Brukselit.
“Para se të fillojnë të flasin për serbët apo stabilitetin, përfaqësuesit e Prishtinës duhet së pari të shpjegojnë pse nuk e kanë përmbushur ende marrëveshjen e Brukselit dhe kur planifikojnë ta mbajnë fjalën e nënshkruar dhe të dhënë”, tha ai.
Edhe në këtë deklaratë, Aleksandër Vulin e ka mohuar përsëri masakrën e Reçakut, në të cilën në janar të vitit 1999 u vranë 45 civilë shqiptarë.
Ndryshe, më 10 dhjetor, Aleksandër Vulin, e kishte vizituar ekipin i cili po xhiron filmin për ngjarjet në Reçak në janar të vitit 1999, si pjesë e serisë së dokumentarëve “Dosja e Kosovës”.
Masakrën në fshatin Reçak apo ndryshe siç e ka quajtur ai “masakra e supozuar” e shqiptarëve e cila shërbeu si shkak në përgjigjen ushtarake të NATO-s në vitin 1999, ishte “një gënjeshtër e madhe dhe një falsifikim i tmerrshëm”.
“Agresioni i NATO-s filloi pas një gënjeshtre të tmerrshme për Reçakun. Në atë kohë, ne nuk ishim as të aftë dhe as të zgjuar për t’i treguar gjithë botës se çfarë gënjeshtre e tmerrshme ishte”, kishte thënë ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE
-
Mes tensioneve për Gazën, shtyhet vizita e Erdogan në Shtëpinë e Bardhë
-
Thaçi: Ëndrra ime është që të gjithë shqiptarët të jetojnë në një shtet
-
Vaksinat e personalizuara mRNA për melanomën hyjnë në fazën e re të provës
Lajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE