Presidentja e Komisionit Evropian, Ursula von der Leyen, dhe përfaqësuesi i lartë i Bashkimit Evropian për Politikën e Jashtme, Josep Borrell, do të vizitojnë presidentin e Ukrainës, Volodymyr Zelensky, gjatë kësaj jave, në Kiev.
Lajmin e ka bërë të ditur zëdhënësi për shtyp i Von der Leyen, Eric Mamer, i cili nëpërmjet një postimi në Twitter, zbuloi gjithashtu se dy përfaqësuesit e lartë evropianë do të udhëtojnë edhe drejt Polonisë, për të marrë pjesë në një event në Varshavë, gjatë të shtunës.
President @vonderleyen and HRVP @JosepBorrellF will travel this week to Kyiv to meet President @ZelenskyyUa prior to the pledging event #StandUpForUkraine on Saturday in Warsaw.
— Eric Mamer (@MamerEric) April 5, 2022
Nëpërmjet kësaj të dhëne, mund të hamendësohet se takimi i dy zyrtarëve të lartë evropianë me Zelenskyn, mund të ndodhë të premten e 8 prillit.
Kjo vizitë, në sytë e analistëve të shumtë, shihet më shumë si një mundësi e shtuar për të treguar solidaritetin e Bashkimit Evropian karshi Ukrainës, në ditët e vështira që vendi ndodhet pas agresionit rus, me fillim në 24 shkurt.
BE-ja ka vepruar ndaj Kremlinit menjëherë pas sulmit rus, me sanksione shumë të ashpra të vendosura ndaj Kremlinit, ku i përfshirë ka qenë edhe vetë presidenti rus, Vladimir Putin.
Një tjetër aspekt, me anë të të cilit vendet e unionit e kanë ndihmuar Kievin, ka qenë duke i dërguar furnizime humanitare, deri edhe tek furnizime ushtarake, për të përballuar trysninë e ushtruar nga rusët.
Në terma konkretë, nuk dihet se çfarë do të diskutohet mes të treve, por i sigurt është fakti se BE-ja, kërkon të tregojë vijimësinë e mbështetjes ndaj Ukrainës dhe në një mënyrë, po i tregon edhe dhëmbët Rusisë e konkretisht, Vladimir Putinit.
Kryefjalë, mbetet uniteti midis vendeve perëndimore, në kauzën e Ukrainës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Europapa apo Baby Lasagna? – Garuesit për t’u pasur kujdes në Eurovision 2024
-
Kurti në Kongresin e socialistëve evropianë: Qëndrojmë në mbrojtje të demokracisë përballë autokratëve
-
Universitetet izraelite nuk mund t’u mësojnë hebrenjve amerikanë as gjënë themelore për të drejtat dhe lirinë e njeriut
Lajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës