Von der Leyen akuzohet për bllokimin e një procedure shkeljeje ndaj Gjermanisë për gazin –

Komisioni Evropian dje prezantoi paketën e tij të shkeljeve për muajin prill.

Por mes letrave të njoftimit zyrtar dhe opinioneve të arsyetuara nuk ka një vendim që ishte parashikuar nga disa media në ditët e fundit.

Bëhet fjalë për një procedurë kundërvajtjeje kundër Gjermanisë për një taksë mbi depozitimin e gazit.

Sakaq taksa do të shkelte rregullat e tregut të brendshëm dhe ato të solidaritetit energjetik.

Procedura ndaj Gjermanisë thuhet se ishte gati, por kabineti i presidentes së Komisionit Ursula von der Leyen bllokoi dritën jeshile nga kolegji.

“Mbetemi në kontakt me autoritetet gjermane për këtë çështje, duke përfshirë edhe nivelin politik. Ne nuk spekulojmë për hapjen e mundshme të procedurave të shkeljes në të ardhmen”, ka thënë një zëdhënës i Komisionit.

“Nuk ka asgjë të pazakontë”, ka shpjeguar ndërkaq zëdhënësi kryesor, Eric Mamer, duke nënvizuar se “kontaktet janë në vazhdim”.

Austria, Hungaria, Sllovakia dhe Republika Çeke i kanë kërkuar Komisionit që të ndërhyjë për importimin e gazit nga Rusia.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.