Viktor Orban dhe përdorimi i Pegasus-it ndaj mediave

Qeveria hungareze e Viktor Orban ka përdorur një armë të re në luftën e saj kundër medias në Hungari, sipas analizës të disa pajisjeve mobile.

Projekti Pegasus, një hetim i bashkërenduar nga organizata jofitimprurëse franceze “Forbidden Stories”, ka zbuluar se rrjedhja e të dhënave sugjeron se një gamë e gjerë e njerëzve në Hungari ishin zgjedhur si shënjestra të mundshme.

Në një numër rastesh, analiza konfirmoi se pajisjet ishin infektuar me spiunin e sofistikuar Pegasus, të shitur nga kompania izraelite, NSO Group.

Të dhënat e rrjedhura përfshijnë numrat e telefonit të njerëzve që duket se janë shënjestër e sigurisë kombëtare ose hetimeve penale.

Sidoqoftë, të dhënat përfshijnë gjithashtu numrat e të paktën 10 avokatëve, një politikani opozitar dhe të paktën pesë gazetarëve.

Telefonat e dy gazetarëve në partnerin e projektit hungarez Pegasus, selia investigative Direkt36, u infektuan me sukses nga spyware, përfshirë Szabolcs Panyi, një reporter i njohur me një gamë të gjerë burimesh në qarqet diplomatike dhe të sigurisë kombëtare.

Pegasus

Analiza e pajisjes së tij nga “Amnesty International” deklaroi përfundimisht se ishte kompromentuar në mënyrë të përsëritur nga Pegasus gjatë një periudhe shtatë-mujore në 2019, me sulmin që vinte shpesh pas kërkesave për komentet e bëra nga Panyi, ndaj zyrtarëve të qeverisë hungareze.

Pegasus i mundëson sulmuesit që të shikojë të gjithë përmbajtjen e telefonit, duke përfshirë mesazhet nga aplikacionet me enkriptim nga – fundi në fund – fotografi dhe të dhëna për vendndodhjen GPS.

Gjithashtu mund ta shndërrojë pajisjen në një regjistrues audio ose video. NSO-ja ka pohuar se spyware është krijuar vetëm për t’u përdorur kundër kriminelëve të rëndë dhe terroristëve.

Panyi mendon se disa në qeverinë Orban besojnë se gazetarët e pavarur janë pjesë e një komploti kundër tyre. “Unë mendoj se ka një paranojë të përhapur dhe ata shohin shumë më tepër në motivet dhe rrjetet tona sesa ekzistojnë në të vërtetë”, tha ai.

Padija hungareze

“Ne nuk jemi në dijeni të ndonjë grumbullimi të pretenduar të të dhënave”, tha një zëdhënës i qeverisë hungareze në përgjigje të pyetjeve të hollësishme në lidhje me shënjestrën e Panyi-t dhe të tjerëve.

NSO Group tha se “nuk ka qasje në të dhënat e klientëve të saj”, hedh dyshime mbi rëndësinë e të dhënave të rrjedhura dhe tha se “do të vazhdojë të hetojë të gjitha pretendimet e besueshme të keqpërdorimit dhe të marrë masat e duhura”.

Më herët, zëdhënësi i Orban, Zoltán Kovács, sulmoi publikisht Panyi-n, duke e akuzuar atë për “Orbánophobia dhe hungarofobia”.

Që kur Orban u bë kryeministër në vitin 2010, Hungaria ka rënë nga vendi i 23 në vendin e 92 në Indeksin Botëror të Lirisë së Shtypit.

Në fillim të këtij muaji, “Reporterët pa Kufij” e vendosën Orban në listën e tij të Armiqve të Lirisë së Shtypit, hera e parë për një udhëheqës të BE-së.

Lufta e fshehtë e Orbán kundër medias

Kur erdhi raporti i forenzikës, Panyi u ul në redaksinë e Direkt36 në Budapest, një komplet modest zyrash brenda një ndërtese madhështore, një bllok larg Danub-it, dhe skicoi një tabelë.

Në anën e majtë: datat në të cilat ai i dërgoi kërkesa zyrtare për komente qeverisë hungareze.

Në të djathtë: datat në të cilat analiza tregon se telefoni i tij ishte kompromentuar nga Pegasus.

Korrelacioni ishte i vështirë të injorohej.

Më 3 prill 2019, për shembull, Panyi dërgoi një kërkesë për komente në disa departamente qeveritare në lidhje me një histori që po punonte për një bankë ruse që po zhvendosej në Budapest, megjithë shqetësimet se mund të ishte një front për inteligjencën ruse.

Një ditë më vonë, telefoni i Panyi-t u infektua me Pegasus.

Kishte 11 raste kur prania e Pegasus përkonte me kërkesat për komente drejtuar qeverisë, sipas analizës së Amnesty.

Më shumë se gjysma e kërkesave për komente që ai dërgoi në zyra të ndryshme qeveritare gjatë një periudhe shtatë-mujore u pasuan nga një sulm.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.