Një burrë nga Vietnami është dënuar me pesë vjet burg, pasi shkeli rregullat anti-COVID.
Një gjykatë e shpalli Le Van Tri fajtor për “transmetimin e sëmundjeve infektive të rrezikshme” te tetë persona, njëri prej të cilëve ndërroi jetë.
Kohët e fundit, Vietnami kishte qenë kryesisht i suksesshëm në mbajtjen e situatës së COVID-it nën kontroll jashtë me kufizime të rrepta.
Por infeksionet janë rritur që nga qershori, me një shpërthim të nxitur nga varianti më ngjitës Delta.
Vendi ka parë më shumë se 530 mijë raste me më shumë se 13 mijë e 300 vdekje, shumë prej të cilave kanë ndodhur muajt e fundit.
Shumë nga ato raste janë gjetur në qytetin Ho Chi Minh.
Në fillim të korrikut, Tri, 28 vjeç, thuhet se kishte udhëtuar me motor nga qyteti Ho Chi Minh në provincën e tij të lindjes Ca Mau në jug të vendit.
Në Ca Mau, ai u zbulua se kishte gënjyer në një formular deklarate shëndetësore, i cili pyeste për historikun e tij të fundit të udhëtimit, dhe gjithashtu nuk kishte respektuar rregullat e izolimit.
Autoritetet lokale në atë kohë e kishin bërë të detyrueshme që kushdo që udhëtonte nga provincat e tjera në Ca Mau duhej të izolohej menjëherë për 21 ditë.
Tri ditë më vonë u testua pozitiv me coronavirus, dhe u zbulua se e kishte transmetuar virusin tek anëtarët e familjes së tij, si dhe personelin në një qendër të mirëqenies të cilën ai e vizitoi.
Ai u dënua me burg në fund të një gjyqi njëditor dhe gjithashtu u gjobit me një vlerë prej 880 dollarë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Ekskluzive: Franca kërkon shtyrje të vendimit për anëtarësim të Kosovës në KiE
-
Meta thotë se Rama dhe Veliaj janë përfshirë në fushatë në Maqedoninë e Veriut, jo Kurti
-
Publikohet dokumenti i armëpushimit që Hamasi e pranoi, por Izraeli e refuzoi – 3 faza në 3 muaj
-
Lajçak pret përgjigje konstruktive nga Kosova e Serbia mbi kompromisin e propozuar për dinarin
