Varri masiv në Izyum, kërkohet krijimi i një gjykate ndërkombëtare për krimet e luftës

Presidenca e Bashkimit Evropian ka bërë thirrje për krijimin e një gjykate ndërkombëtare për krimet e luftës.

Kjo pas zbulimit të qindra trupave, disa me shenja torture në qytetin verilindor të Izyum në Ukrainë.

“Në shekullin e XXI-të, sulme të tilla kundër popullatës civile janë të paimagjinueshme dhe të neveritshme”, tha Jan Lipavsky, ministër i Jashtëm i Republikës Çeke që mban presidencën e radhës të Bashkimit Evropian.

Sipas tij, kjo nuk duhet anashkaluar.

“Ne jemi për dënimin e të gjithë kriminelëve të luftës”, shtoi ai në një mesazh në Twitter.

Russia left behind mass graves of hundreds of shot and tortured people in the Izyum area. In the 21st century, such attacks against the civilian population are unthinkable and abhorrent. We must not overlook it. We stand for the punishment of all war criminals. #StandwithUkraine

— Jan Lipavský (@JanLipavsky) September 17, 2022

Një hetim i thelluar ka nisur tashmë, pasi 440 trupa u gjendën në një varr masiv në Izium, qytetin e sapo çliruar ukrainas

Ishte Serhyi Bolvinov, shefi i Policisë Hetimore në Kharkiv, ai i cili tha për median Sky News se një pjesë e njerëzve, dukej qartë se ishin vrarë për shkak të bombardimeve ruse.

Nga ana tjetër, presidenti Volodymyr Zelensky, e ritheksoi faktin dhe qëndrimin e tij, se kudo që rusët po shkojnë, po sjellin veç vdekje e shkatërrim.

Mbi rastin konkret, u bë me dije se procedurat hetimore kanë filluar tashmë dhe në 24 orët e ardhshme, duhet të vijë edhe përgjigja konkrete mbi faktin se me çfarë kemi të bëjmë në këtë rast.

Në masakrën e Bucha-s, një rrethinë e Kievit, ishte konkret qëllimi i rusëve dhe dukej qartë se situata lidhej me krime kundër njerëzimit.

Të rritur e fëmijë ishin vrarë e masakruar që prej fillimit të luftës aty dhe më pas ishin groposur në disa zona, ku varri më i madh masiv i zbuluar ishte me rreth 300 persona.

Edhe në Bucha, mbi 400 persona u gjetën të vrarë, siç pretendohet nga Ukraina, prej trupave ruse. Megjithatë, ende nuk ka një qëndrim ndërkombëtar të pavarur mbi çështjen, për ta dënuar Moskën mbi këto akte.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.