Vaji i pemës së çajit: Ndihmon në luftimin e akneve, zbokthin dhe më shumë

Vaji i pemës së çajit ka një aftësi natyrale dezinfektuese, është i mirë në luftimin e akneve dhe ofron një aromë qetësuese në shtëpinë tuaj. Me pak fjalë, ky vaj esencial me shumë qëllime ofron shumë përfitime, por ka një mënyrë të veçantë aplikimi dhe ruajtjeje.

Pema e çajit gjendet shpesh në disa pastrues, por edhe në ilaçe si shurupi i kollës. Kjo është për shkak se vaji i pemës së çajit është vërtetuar shkencërisht se vret bakteret, viruset dhe kërpudhat.

Vaji i pemës së çajit është një vaj esencial i nxjerrë nga gjethet “Melaleuca Alternifolia” me origjinë në Australi me distilim me avull.

Është një lëng pangjyrë por me nuanca nga e verdha, i qartë, i lëvizshëm me një aromë të veçantë pishe.

Sot, vaji i pemës së çajit gjendet zakonisht në produktet dhe kozmetikën e kujdesit personal, nga hidratuesit dhe tonikët te sapunët, shampot dhe produkte të tjera të panumërta. Ju gjithashtu mund të blini vajin e pemës së çajit vetë, dhe është ideale ta përzieni me kremra ose serume të tjera.

Për çfarë është i mirë vaji i pemës së çajit?

Meqenëse vaji i pemës së çajit është përdorur dhe studiuar për dekada të tëra, ka shumë studime që konfirmojnë përfitimet e tij. Ekspertët kanë dhënë njohuri për të gjitha përdorimet dhe përfitimet e këtij vaji esencial të fuqishëm dhe efektiv.

Vaji i pemës së çajit mund të ndihmojë në luftimin e akneve

Nëse zgjoheni dhe gjeni një gungë krejt të re në mjekër, kërkoni vajin e pemës së çajit. Ky vaj është i dobishëm sepse ka veti antiseptike që janë të shkëlqyera në luftën kundër akneve.

Në veçanti, pema e çajit është një luftëtar i fuqishëm kundër bakterit ‘propionibacterium’, i cili lidhet me aknet.

Gjegjësisht, një studim krahasoi vajin e pemës së çajit dhe peroksidin benzoil për shkak të aftësisë së tyre për të trajtuar aknet dhe zbuloi se vaji i pemës së çajit mund të zvogëlojë inflamacionin me më pak acarim.

Mund të përdoret për shumë qëllime në shtëpi

Aroma e këtij vaji esencial është e fuqishme dhe nëse ju pëlqen një shtëpi me erë të mirë, vaji i pemës së çajit mund të jetë pikërisht ajo që ju nevojitet.

Kjo aromë e ngjashme me pishën ka veti qetësuese dhe në të njëjtën kohë pastron natyrshëm ajrin që thithni.

Mund të përdoret edhe për trajtimin e thonjëve

Nëse bëni shpesh manikyr dhe pedikyr, merrni parasysh t’i jepni pak pushim thonjve për t’u rikuperuar. Gjatë kësaj pauze, ju mund të përdorni vajin e pemës së çajit si një trajtim për thonjtë për të parandaluar kërpudhat.

Pasi të keni fshirë manikyrin e vjetër me aceton, ajo sugjeron të fërkoni thonjtë me vajin e pemës së çajit dhe t’i lini të marrin frymë për një ose dy ditë përpara se të aplikoni manikyrin e ri.

Mund të ndihmojë në trajtimin e zbokthit

Edhe pse ekspertët thonë se është e vështirë të përcaktohet një shkaktar themelor i zbokthit, pasi mund të luajnë shumë faktorë, përgjithësisht besohet se ai lidhet me praninë e mikroorganizmave – baktereve ose kërpudhave – që jetojnë në lëkurën e kokës.

Çfarë duhet të dini përpara se të përdorni vajin e pemës së çajit?

Mos e gëlltisni kurrë

Pavarësisht se çfarë thonë Instagramistët ose TickTokers-at, mos pini kurrë vaj pemë çaji pasi mund të çojë në probleme serioze. Gjithashtu shmangni kontaktin e drejtpërdrejtë me zonën rreth syve.

Edhe pse disa njerëz betohen për marrjen e vajrave esencialë, shumica e ekspertëve mjekësorë e konsiderojnë atë një praktikë të rrezikshme.

Filloni me doza të vogla për të shmangur acarimin e lëkurës

Nëse keni një fytyrë të ndjeshme që merr skuqje ose reagime të tjera kur përdorni një produkt të ri, bëni kujdes me vajin e pemës së çajit. Filloni duke aplikuar pika të vogla pas veshit dhe kyçit të dorës. Më pas kontrolloni këto zona pas 12 dhe 24 orësh për të parë nëse ka ndonjë shenjë acarimi ose alergjie.

Ruajeni tretësirën në një shishe qelqi qelibar në temperaturën e dhomës, sepse vaji i pemës së çajit është i ndjeshëm ndaj ajrit, dritës dhe nxehtësisë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.