Katër gola në tre ndeshjet e para e bëjnë sulmuesin e Kombëtares së Shqipërisë, Myrto Uzunin, si golashënuesin më i mirë i kategorisë së dytë të futbollit spanjoll, La Liga 2.
Sulmuesi nga Berati shënoi tre gola në ndeshjen e fundit që ekipi i tij, Granada, e fitoi me rezultat 3:0 ndaj Villarreal B.
Uzuni u bë pjesë e ekipit spanjoll vetëm në muajin janar, por nuk mundi që ta jap kontributin e mjaftueshëm për ta mbajtur në ligë Granada-n.
🦅❤️🤯
Paren a este hombre.
𝐆𝐂𝐅 3️⃣-0️⃣ VIB #𝙀𝙩𝙚𝙧𝙣𝙖𝙇𝙪𝙘𝙝𝙖 🇦🇹 || #GranadaVillarrealB pic.twitter.com/c9x7a7gXuc
— Granada CF ❤️⚪️ (@GranadaCF) August 29, 2022
Megjithatë, muajt e parë i kanë shërbyer 27-vjeçarit dhe për t’u përshtatur me skuadrën e tani duket gati për ta ndihmuar ekipin që të rikthehet sërish në La Liga.
Në takimin ndaj Villarreal 2, Uzuni ishte lojtari më i mirë në fushën e lojës, duke sinjalizuar se do të jetë lideri i skuadrës, edhe pse në ekip ka emra të njohur si ish-lojtari i Real Madrd-it dhe Napolit, Jose Maria Callejon.
Lojtari i Kombëtares së Shqipërisë goditi dhe dy 11-metërsha, duke u treguar i saktë nga pika e bardhë në të dyja situatat, një tregues i besimit që kanë tek 27-vjeçari.
⌚️ 81’ || ¡𝗚𝗢𝗢𝗢𝗢𝗢𝗢𝗟 𝗗𝗘𝗟 𝗚𝗥𝗔𝗡𝗔𝗗𝗔!
¡¡Hat-Trick de Uzuni!! 🦅❤️
𝐆𝐂𝐅 3️⃣-0️⃣ VIB #𝙀𝙩𝙚𝙧𝙣𝙖𝙇𝙪𝙘𝙝𝙖 🇦🇹 || #GranadaVillarrealB pic.twitter.com/OowzoSlKDI
— Granada CF ❤️⚪️ (@GranadaCF) August 29, 2022
Uzuni dhe Callejon do të jenë dy pikat kyçe të Garnada-s, që e ka besuar misionin mbijetesë, tek këta dy lojtarë, që kanë detyrën për të tërhequr skuadrën drejt elitës.
Uzuni është lojtari më në formë i momentit sa i takon Granada-s, diçka pozitive dhe për trajnerin e Edoardo Reja, i cili pritet që ta ftojë për ndeshjet e muajit shtator në Ligën e Kombeve ndaj Izraelit dhe Islandës.
Me fanellën kuqezi, Uzuni deri më tani numëron katër gola, dy në ndeshjet miqësore dhe dy në kualifikueset e Kupës së Botës për Katar 2022.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
Balla: Po punohet për një program të madh asistence ndaj Shërbimit Zjarrfikës, me donatorë të huaj
-
Hamasi tregon se është gati për marrëveshje, izraelitët ende të përçarë
-
Knaus: Kushtëzimi i anëtarësimit të Kosovës në KiE me krijimin e Asociacionit pamundëson realizimin e të dyjave