Mikhail Podolyak, këshilltar i kreut të Zyrës Presidenciale, theksoi edhe një herë se Ukraina do të bëjë gjithçka që është e mundur për të mbrojtur veten nga forcat ruse që vazhdojnë të vrasin civilë.
Lajmin e bëjnë të ditur mediat ukrainase, duke cituar statusin e tij në Twitter.
“Ukraina duhet të vendosë vetë nëse do të godasë objektet ushtarake ruse. Rusia ka sulmuar Ukrainën dhe po vret civilë. Ukraina do të mbrohet në çdo mënyrë, veçanërisht me sulme kundër depove dhe bazave të vrasësve. Bota e njeh këtë të drejtë”, theksoi Podolyak.
Më herët, kryeministri britanik Boris Johnson u shpreh se nuk do të përbënte problem nëse Ukraina do të përdorte armët e ofruara kundër objektivave në territorin e Federatës Ruse.
Ai vuri në dukje se Ukraina ka të drejtë të mbrohet.
Por kjo tezë u mbështet fillimisht publikisht nga ministri britanik për Forcat e Armatosura, James Hippie.
Ai vuri në dukje se armët nga Perëndimi madje kanë rrezen e nevojshme për këtë.
Ndërkohë, Sekretari amerikan i Shtetit Antony Blinken deklaroi se Ukraina ka të drejtë të bëjë gjithçka që është e nevojshme për të mbrojtur tokën e saj.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rama: Po bëjmë negociata me Filipinet për të marrë krahë pune
-
“Asnjëherë s’më ka lënë në baltë – është i pa korruptuar”, Gërvalla me fjalë të mëdha për Kurtin
-
Kandidatja e partisë së Macron thotë se është mashtruar duke bërë një foto grupi ‘neo-naziste’
-
Haradinaj: E mbështes shpërbërjen e Kuvendit vetëm pas dorëheqjes apo shkarkimit të Kurtit
Lajmet kryesore
-
Kurti: Zgjedhjet më mirë në verë se në dimër, s’ka rëndësi a qeverisë edhe 10 muaj, apo edhe 3 muaj
-
Nisma e PS, Delegacioni i BE-së: Të mos preket reforma në Drejtësi
-
Izraeli thellon ofensivën në Rafah dhe rihyn në zonat veriore të Gazës
-
Krasniqi: Dallime me Kurtin kemi, por diskutimin e patëm të mirë
