Turqia dhe Hungaria janë në koordinim të ngushtë në lidhje me ratifikimin e anëtarësimit të Suedisë në NATO, tha ministri i Jashtëm turk Hakan Fidan.
Duke folur në një konferencë të përbashkët për shtyp me homologun e tij hungarez Peter Szijjart, Fidan tha se Suedia kishte ndërmarrë disa hapa në përgjigje të kërkesave të Turqisë në lidhje me luftën kundër terrorizmit, por se ai priste hapa të mëtejshëm nga Stokholmi, transmeton Reuters.
Parlamenti turk do të debatojë ratifikimin e anëtarësimit të Suedisë në NATO kur të rifillojë punën në vjeshtë, në tetor.
Më 10 korrik, presidenti turk Rexhep Tajip Erdogan dha dritën jeshile për pranimin e Suedisë në NATO, të cilin ai e kishte bllokuar për më shumë se një vit.
Suedia dhe Finlanda aplikuan për NATO vitin e kaluar pas pushtimit rus të Ukrainës.
Finlanda mori dritën jeshile në prill të këtij viti, por Suedia u pengua nga Turqia dhe Hungaria.
Budapesti zyrtar tha më parë se do të miratonte anëtarësimin suedez pasi ta miratonte Turqia.
Presidenti turk pretendoi se Suedia strehon anëtarë të grupeve terroriste, kryesisht mbështetës të Partisë së Punëtorëve të Kurdistanit (PKK), të cilët ai i akuzon për organizimin e protestave dhe financimin e grupeve terroriste.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Europapa apo Baby Lasagna? – Garuesit për t’u pasur kujdes në Eurovision 2024
-
Kurti në Kongresin e socialistëve evropianë: Qëndrojmë në mbrojtje të demokracisë përballë autokratëve
-
Universitetet izraelite nuk mund t’u mësojnë hebrenjve amerikanë as gjënë themelore për të drejtat dhe lirinë e njeriut
Lajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës