Një kontingjent i Forcës së Sigurisë së Kosovës ka mbërritur në Turqi, në operacionin e kërkim-shpëtimit në zonat e prekura nga tërmeti.
Arritjen e FSK në Turqi e ka bërë të ditur Fondacioni SETA në Uashington, të cilët kanë publikuar pamje nga momenti kur ekipi i Kosovës ka arritur në Adana dhe janë pritur me duartrokitje nga vullnetarët turq.
— The SETA Foundation at Washington DC (@SETADC) February 7, 2023
Ministri i Mbrojtjes, Armend Mehaj, bëri të ditur të hënën se kanë nisur kontingjentin e specializuar të FSK-së për operacion humanitar në Turqi.
“Pas konsultave me Gjeneral Jasharin, kontakteve direkte gjatë tërë ditës me homologun tim turk, Ministrin e Mbrojtjes, Hulusi Akar, vendimin e kryeministrit Kurti dhe autorizimit nga ana e Presidentes Osmani, nisëm kontingjentin e specializuar të FSK-së për operacionin humanitar në Turqi për reagim me rastin e tërmetit të sotëm”, ka shkruar Mehaj në rrjetin social ‘Facebook’.
Mehaj sqaroi se task-forca përbëhet nga specialistët e FSK-së në kërkim- shpëtim urban, mjekësi emergjente dhe njësitë e K9.
“Varësisht nga nevojat dhe kërkesat e ditëve në vijim do të shtojmë kapacitetet reaguese për reagim, kërkim- shpëtim dhe sanim të pasojave të tërmetit”.
Në Turqi dhe Siri janë duke vazhduar përpjekjet për të shpëtuar personat që besohet se kanë mbetur nën rrënojat e mijëra ndërtesave të shkatërruara nga tërmetet e fuqishme që goditën këto dy shtete.
Mbi 4 mijë e 800 persona raportohet se kanë vdekur, pasi një tërmet prej 7.8 ballësh që goditi në orët e para të mëngjesit të 6 shkurtit.
Epiqendra e tërmetit ishte rreth 26 kilometra nga qyteti Nurdagi dhe rreth 33 kilometra larg qytetit Gaziantep, tha Shërbimi Gjeologjik amerikan.
Njëri nga vendet që ka ofruar ndihmë për popullin e Turqisë është edhe Kosova.
Nga krerët institucionalë është thënë se Kosova ka gatishmëri që të ndihmojë.
Presidentja e Kosovës, Vjosa Osmani, shkroi në Twitter se ndihma do të ofrohet përmes dërgimit të trupave të Forcës së Sigurisë në Turqi, nga ana tjetër opozita ka kërkuar krijimin e një fondi emergjent për ofrimin e ndihmave të nevojshme humanitare.
Nga Turqia të hënën ishte thënë se afër 9 mijë persona po marrin pjesë në operacionet e shpëtimit.
Osmani e Kurti i ofruan ndihmë Turqisë – por si dhe sa mund ta ndihmojë Kosova popullin turk?
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Bardhi thotë se Rama ka frikë nga interpelanca, radhit 4 fakte dhe shtron 4 pyetje publike për kryeministrin
-
Ish-ministri britanik i Mbrojtjes thotë se Scholz duhet të dërgojë Taurus-ët në Kiev menjëherë
-
Puna e Kuvendit gjatë vitit 2023 cilësohet e dështuar, IKD: U morën vendime antikushtetuese e antiligjore
-
Amerika autorizon Ukrainën të godasë Krimenë me raketa me rreze të gjatë
Lajmet kryesore
-
Të ‘mbarojmë punë me Rai-n’, pastaj radha për interpelancë me Bardhin, thotë Rama
-
Bardhi thotë se Rama ka frikë nga interpelanca, radhit 4 fakte dhe shtron 4 pyetje publike për kryeministrin
-
Amerika autorizon Ukrainën të godasë Krimenë me raketa me rreze të gjatë
-
Rashiç beson se Qeveria do ta dërgojë draft-statutin e Asociacionit në Kushtetuese para anëtarësimit në KiE