Pikërisht çfarë duhej pas një humbje të thellë në një ndeshje ku merituam fitoren.
Shqipëria fiton në rikthimin e tifozëve në Elbasan përballë Hungarisë e cila ndali Francën dhe Gjermaninë në EURO 2020.
Kuqezinjtë e Reja-s ishin dominues gjatë gjithë ndeshjes kualifikuese për botërorin “Qatar 2020”, ashtu si edhe në Varshavë.
Raste të shumta të krijuara, por ndryshe nga mbrëmja e të enjtes, komoditet në mbrojtje.
Në minutat e fundit, nga këmbët e arta të djaloshit të artë, Armando Brojas, u tund rrjeta në arenën e Elbasanit.
Futbollisti i Southampton, u shndërrua në heroin e natës, duke shënuar golin e tre pikëve.
Një goditje shumë e bukur nga cepi i zonës, ishte e mjaftueshme që Shqipëria të siguronte tre pikë të arta.
Kuqezinjtë ngjiten përkohësisht në vendin e dytë në grupin I, në pritje të ndeshjes së Polonisë përballë modestëve të San Marino-s.
Anglia në anën tjetër fitoi 4-0 përballë Andorrës.
Shqipëria ndeshjet e shtatorit i mbyll duke pritur San Marino-n në Elbasan pas tre ditësh, me shpresën dhe besimin për tre pikë tjera të arta.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”
