Mëngjesin e 31 korrikut, kanë rënë në prangat e policisë pesë shtetas shqiptarë që po transportonin emigrantë të paligjshëm, kundrejt dëmshpërblimit.
Shërbimet e Policisë së Elbasanit në bashkëpunim me të Korçës, finalizuan operacioni e koduar “Kalimtarët”.
Përkatësisht u arrestuan në flagrancë shtetasit B.R., 28 vjeç, E.K., 27 vjeç, të dy banues në Devoll, J.D., 28 vjeç, M. Gj., 29 vjeç, dhe N.A., 23 vjeç, të tre banues në Durrës.
Këta shtetas në bashkëpunim me njëri tjetrin po transportonin dhjetë shtetas të huaj për kalim të paligjshëm të kufirit.
Ata po ndiqnin itinerarin nga Korça drejt Tiranës, kundrejt fitimit 200 euro për person. Në vijim ata u zunë pritë nga policia në aksin rrugor Librazhd- Elbasan, në fshatin Mengël.
Në cilësinë e provave materiale janë sekuestruar dy automjete, pesë aparate celular dhe nje dozë lëndë narkotike kokainë.
Vijojnë hetimet për identifikimin e shtetasve të tjerë të përfshirë në këtë aktivitet kriminal.
Materialet hetimore i kaluan Prokurorisë pranë Gjykatës së Shkallës së Parë Elbasan, për veprime të mëtejshme.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kurti: Zgjedhjet më mirë në verë se në dimër, s’ka rëndësi a qeverisë edhe 10 muaj, apo edhe 3 muaj
-
Nisma e PS, Delegacioni i BE-së: Të mos preket reforma në Drejtësi
-
Izraeli thellon ofensivën në Rafah dhe rihyn në zonat veriore të Gazës
-
Krasniqi: Dallime me Kurtin kemi, por diskutimin e patëm të mirë