Një grup shkencëtarësh kanë deklaruar se hiri, që ka mbetur pas shpërthimit të vullkanit nënujor në Ishullin Tonga të Paqësorit, mund të shkaktojë dëme të konsiderueshme toksike për shëndetin dhe mjedisin.
Sipas grupit të shkencëtarëve, në këtë zonë ka rrezik të kontaminimit të ujit të pijshëm nga sasi të mëdha substancash, të cilat mund të jenë edhe vdekjeprurëse për banorët.
Një grup shkencëtarësh nga Universiteti Cornell deklaroi se edhe toka përreth është kontaminuar, çka mund të rrezikojë sektorin e bujqësisë.
“Studimet e mëparshme në Hunga, Tonga-Hunga kanë treguar se hiri mbart disa nga ngarkesat më të larta të kripërave të regjistruara ndonjëherë, të cilat mund të përmbajnë substanca shumë toksike si: squfur, klor dhe flor”, deklaroi bashkëpunëtori kërkimor në projektin e NASA-s, Adrian Hornby.
Sipas tij, “prania e ujit të detit në një shpërthim vullkanik mund të krijojë elemente toksike në formën e hirit”.
Edhe pedagogia e Inxhinierisë dhe udhëheqëse në projektin e NASA-s, Natalie Mahowald, u shpreh e shqetësuar, pasi “shpërthimet e mëparshme kanë prodhuar hi të pasur me hekur, të cilat kur prekin tokën, mund të shkaktojë dëme të mëdha ekologjike”.
Nga ana tjetër, ushtria e Zelandës së Re ka treguar se po monitoron situatën dhe se mbetet në gatishmëri për të ndihmuar nëse nevojitet.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rikthehen ndarjet rreth Unionit të Tregjeve të Kapitalit në Eurogroup
-
Mbi 50 mijë protestues në Tbilisi kundër ligjit mbi ndikimin e huaj
-
Mitsotakis: Iniciativa e presidentes së Maqedonisë së Veriut është e paligjshme dhe e palejueshme
-
Zëvendëskryeministri maltez jep dorëheqjen teksa pritej të bëhej komisioner evropian
Lajmet kryesore
-
Rama i shpërfill akuzat e Belerit, i quan histori të politikës greke
-
Komisioni Hetimor për shëndetësinë në ngërç, do të marrë zgjidhje?
-
Mitsotakis: Iniciativa e presidentes së Maqedonisë së Veriut është e paligjshme dhe e palejueshme
-
Raundi i 7-të për dinarin gjatë javës – rasti i fundit për zgjidhje apo vazhdimësi e krizës?