Shefi i Zyrës së Bashkimit Evropian në Kosovë, Tomasz Szunyog, këtë të mërkurë, ka takuar komandantin e Misionit të NATO-s në Kosovë, KFOR-in, Ozkan Ulutas.
Përmes një postimi në platformën sociale, X, diplomati çek, ka njoftuar se me Komandantin e KFOR-it, kanë diskutuar për situatën e sigurisë në Kosovë dhe rajon.
“Diskutuam edhe rolin e KFOR-it në ruajtjen e një mjedisi të sigurt në Kosovë si dhe bashkëpunimin ndërmjet Bashkimit Evropian dhe NATO-s në terren”, ka shkruar Szunyog në X.
Welcomed today the Commander of @NATO_KFOR, MG Özkan Ulutaş, with whom we discussed the security situation in #Kosovo & the wider region, KFOR's role in maintaining a safe and secure environment in #Kosovo, as well as the cooperation between the EU & @NATO on the ground. pic.twitter.com/KIAGKmE425
— Ambassador Tomáš Szunyog (@EUAmbKS) November 22, 2023
Ndryshe ministri i Mbrojtjes së Kroacisë, Ivan Anushiç, ka përcjellur të martën kontingjentin e 40-të të ushtarëve kroat (HRVCON) në operacionin për mbështetjen e paqes në Kosovë, në kuadër të Forcës së NATO-s (KFOR), transmenton rrjeti ballkanik i lajmeve “N1”, në dritën e ngritjes së tensioneve ndërmjet Kosovës dhe Serbisë dhe rrezikut të përshkallëzimit.
Forcat e Armatosura të Kroacisë kanë marrë pjesë në operacionet e KFOR-it në Kosovë që nga 16 qershori i vitit 2009, bazuar në vendimin e Kuvendit të Kroacisë në korrik të 2008-së. Për vitin 2023 dhe 2024, ekzekutivi kroat ka miratuar pjesëmarrjen e deri në 160 pjesëtarëve të Forcave të Armatosura të Kroacisë në misionin paqeruajtës në Kosovës.
Disa shtete evropiane kanë rritur tashmë prezencën në Kosovë në kuadër të KFOR-it. Mbretëria e Bashkuar ka dislokuar rreth 200 ushtarë për t’iu bashkuar kontingjentit britanik prej 400 trupash dhe Rumania ka dislokuar rreth 130 ushtarë në kuadër të KFOR-it pas përshkallëzimit të situatës në veri, përkatësisht pas sulmit terrorist në Banjë të Zveçanit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gjykata Ndërkombëtare e Krimeve mund të kërkojë arrestimin e Netanyahut, Gallant dhe Halevit
-
Vdiq Ali Lajçi – ikona e “Pranverës ‘81”
-
Martens: Berlini e Parisi synojnë ta shtyjnë votimin për anëtarësimin e Kosovës në Këshillin e Evropës
-
Ahmeti, Mickoski-t për “emisarët”: Kristijan, kam hyrë në politikë si kryengritës, s’dal puthadorë
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”