Ndeshja hapëse e asaj që pritet të jetë një Grup B magjepsës në Kampionatin Evropian të kësaj vere do të zhvillohet në Berlin të shtunën, me Spanjën që do të përballet me Kroacinë, duke filluar nga ora 18:00.
Spanja është tre herë fituese e Kampionatit Evropian, ndërsa ka kaluar në gjysmëfinale të Euro 2020, por Kroacia nuk e ka kaluar asnjëherë çerekfinalen e këtij kompeticioni.
Kur ka mbetur më pak se 1 orë nga fillimi i takimit, dy trajnerët, Luis de la Fuente i Spanjës dhe Zlatko Dalic i Kroacisë kanë zbulluar formacionet zyrtare me të cilat do të luajnë nga minuta e parë.
Formacionet zyrtare:
Spanja: Simon; Carvajal, Le Normand, Nacho, Cucurella; Ruiz, Rodri, Pedri; Yamal, Morata, Williams.
Kroacia: Livakovic; Stanisic, Sutalo, Pongracic, Gvardiol; Brozovic, Kovacic, Modric; Majer, Budimir, Kramaric.
Spanja ka fituar gjashtë nga 10 ndeshjet e saj të mëparshme kundër Kroacisë, duke përfshirë një sukses me penallti, kur dy skuadrat u ndeshën për herë të fundit në finalen e UEFA Nations League 2022-23.
Anglia, Franca, Gjermania dhe Portugalia shihen si katër favoritët për të fituar Euro 2024, me Spanjën disi nën radar, por kjo skuadër e talentuar me siguri ka aftësitë e nevojshme për të triumfuar këtë verë.
Skuadra e De la Fuente do të përballet me Italinë në ndeshjen e dytë të Grupit B më 20 qershor, përpara se të përfundojë kundër Shqipërisë katër ditë më vonë, dhe çdo pikë ka të ngjarë të jetë vendimtare në këtë grup.
Kroacia do të hyjë në këtë ndeshje plot besim, pasi ka qenë fituese në secilën nga gjashtë ndeshjet e fundit në të gjitha kompeticionet, duke përfshirë një fitore të spikatur 2-1 ndaj Portugalisë në një miqësore herën e fundit.
Skuadra e Dalic ka humbur vetëm dy nga 10 ndeshjet e fundit në të gjitha garat, ndërsa ata kanë shënuar nëntë herë në tre ndeshjet e fundit.
Kroatët pas duelit me Spanjën do të ndeshen me Shqipërinë më 19 qershor, teksa do e mbyllin fazën e grupeve me takimin ndaj Italisë më 24 qershor.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
