Draft-Statuti i Asociacionit të Komunave me Shumicë Serbe në Kosovë, i paraqitur më 2 maj në Bruksel, cenon parimet themelore të pavarësisë së Kosovës, tha ish-ambasadori i Kosovës në Shtetet e Bashkuara të Amerikës, Avni Spahiu, në një prononcim për “Zërin e Amerikës”.
“Lidhur me Asociacionin e Komunave me Shumicë Serbe, ai të jetë një bashkim komunash që nuk rrezikon aspak sovranitetin e Kosovës, por që ju bën të mundur serbëve të Kosovës që ta pranojnë Kosovën si vendin e tyre”, potencoi ai.
Spahiu vlerësoi se çfarëdo zgjidhjeje për të drejtat e pakicës serbe në Kosovë në kuadër të dialogut Kosovë-Serbi të udhëhequr nga Bashkimi Evropian, duhet të vlejë edhe për pakicat tjera në rajon, përfshirë pakicën shqiptare Luginën e Preshevës në Serbi.
“Prandaj në njëfarë mënyre kjo hap kutinë e Pandorës që të ndodhin situata të tilla. Natyrisht gjendja e shqiptarëve në Luginën e Preshevës është të mos e quaj alarmante, për shkak të një diskriminimi pasiv që po organizohet”, vlerësoi ish-diplomati kosovar.
Bashkimi Evropian dhe Shtetet e Bashkuara të Amerikës konsiderojnë se Draft-Propozimi i Ekipit Menaxhues, i cili është shkarkuar nga ministri i Administrimit të Pushtetit Lokal, duhet të jetë pikënisje në diskutimet për themelimin e Asociacionit të Komunave me Shumicë Serbe në Kosovë.
Diplomatët evropianë dhe ata amerikanë, me gjithë mospajtimet lidhur me këtë çështje, po insistojnë se themelimi i Asociacionit të Komunave me Shumicë Serbe është çështja kryesore dhe prioriteti më i madh në rrugën drejt normalizimit të marrëdhënieve Kosovë-Serbi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Vdiq Ali Lajçi – ikona e “Pranverës ‘81”
-
Martens: Berlini e Parisi synojnë ta shtyjnë votimin për anëtarësimin e Kosovës në Këshillin e Evropës
-
Ahmeti, Mickoski-t për “emisarët”: Kristijan, kam hyrë në politikë si kryengritës, s’dal puthadorë
-
“FAZ”: Kurti argumentoi se s’mund t’ua imponojë serbëve draft-statutin e QUINT-it
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”