Cilësia më e vlerësuar nga shqiptarët që ta kenë deputetët, është ai i të qenit i mirarsimuar.
Kjo është e dhëna që ka nxjerrë një sondazh i ndërmarrë nga Instituti për Demokraci dhe Ndërmjetësim (IDM) me mbështetjen e NDI Albania, mbi angazhimin politik në Shqipëri gjatë vitit 2020.
60% e shqiptarëve kanë cilësuar se deputeti, i cili i përfaqëson, duhet të jetë i mirarsimuar. Ndërkohë 55% preferojnë që ai të jetë pranë problemeve që kanë qytetarët.
Gjysma e shqiptarëve e cilësojnë si më të përshtatshëm qenien e deputetit nga zona ku ai vetë po kandidon.
Shifra të ulëta vërehen për sa i përket përvojës që ata kanë në biznes apo të qenit besnik të partive që përfaqësojnë. Përkatësisht, dy të fundit, me 6% dhe 7% preferencë. Që të ketë përvojë në politikë, e preferojnë vetëm 12% e qytetarëve të Shqipërisë.
Shifrat më interesante që vërehen, janë ato të tre kategorive që kanë marrë pëlqyeshmëri mesatare.
Vetëm 44% e shqiptarëve preferojnë që deputetët të jenë të pavarur në mendimet e tyre. Shifër që mund të reflektojë kultin e kreut të partisë, duke mos menduar mbi intelektin e vet deputetëve.
Me vizion dhe mentalitet të ri, e preferojnë përfaqësuesin e tyre ligjvënës vetëm 36% e popullatës. Ky mund të jetë një tregues mbi mospasjen e nevojës për ndryshim të klasës politike në Shqipëri.
Ndërkaq, shifra më interesante është ajo që i përket të bërit kompromise për hir të interesit publik. Çereku i shqiptarëve do të preferonin këtë kategori deputeti, respektivisht 24%.
Ky sondazh i ndërmarrë nga dy organizata joqeveritare mund të japë një tablo ilustruese mbi ku mund të drejtohet vota e 25 prillit.
Nga një pamje e parë, arsimi duket se është thelbësor, gjë që reflektohet edhe në kulturën kolektive të të dëshiruarit të diplomave.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Dërgohen në gjyq ish-drejtoresha dhe dy specialistë të ASHK Sarandë për shpërdorim detyre
-
Balla çel ministerialin për Sigurinë dhe Flukset migratore përmes Ballkanit: Sfidat nuk trajtohen vetëm, kemi angazhim të plotë për bashkëpunim
-
Konkurrenca mes Ryanair dhe Wizz Air në Shqipëri lë ‘në hije’ kompanitë e tjera
-
4.4 dollarë në ditë – Shqipëria me kostot më të larta në Evropë të dietës ushqimore
Lajmet kryesore
-
Balla çel ministerialin për Sigurinë dhe Flukset migratore përmes Ballkanit: Sfidat nuk trajtohen vetëm, kemi angazhim të plotë për bashkëpunim
-
Inxhinieria dhe mjekësia në rritje, shkencat dhe artet me rënien më të madhe të studentëve
-
Blinken shfaqet papritur në Kiev
-
Takimi Kurti – Krasniqi dhe zgjedhjet “e verës”