Ministrja e Ekonomisë, Artane Rizvanolli, nëpërmjet një postimi në llogarinë e saj në “Facebook”, ka thënë se një numër i madh i kompanive, përfshirë ato ndërkombëtare me përvojë e reputacion të lartë, kanë shprehur interesim për ankandin e parë solar të Kosovës prej 100 megavat.
Kështu deklaroi ministrja Rizvanolli teksa njoftoi se së bashku me kryetarin e Rahovecit, Smajl Latifi dhe disa nga investitorët potencialë, vizituan të dielen tokën e ankandit të parë solar fotovoltaik të Kosovës prej 100 megavat, tek Guri i Kuq dhe Kramoviku i Rahovecit.
“Qeveria e Republikës së Kosovës është e përkushtuar që, në bashkëpunim me USAID, të udhëheq një proces konkurrues fer e transparent. Deri tani kemi pasur numër të madh të kompanive të interesuara, përfshirë kompani ndërkombëtare me përvojë e reputacion të lartë”, shkroi ajo.
“Ftoj të gjitha kompanitë kosovare e ndërkombëtare, dhe mërgatën tonë që të shqyrtojnë dokumentacionin e aplikimit, ta ndajnë me investitorët potencialë dhe të dërgojnë pyetjet eventuale përmes kanaleve zyrtare sipas udhëzimeve”, shtoi ministrja Rizvanolli.
Kosova ka prioritetizuar modernizimin dhe përmirësimin e kapacitetit të saj prodhues në sektorin e energjisë përmes investimit dhe zhvillimit të burimeve të ripërtëritshme të energjisë në vend. Ministria e Ekonomisë do të organizojë ankandin e parë solar në muajt në vijim.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ministri izraelit i Luftës thyen këmbën gjatë ecjes me biçikletë
-
Scholz, Kurtit: Duhen hapa konkretë në çështjen e Asociacionit kur në pyetje është anëtarësimi në KiE
-
Thaçi: Ne fillojmë negociatat me VMRO-në në momentin kur ata janë gati ta tregojnë ditën për ndryshimet kushtetuese
-
Szunyog kërkon nga Kosova dhe Serbia bashkëpunim për Deklaratën për Personat e Zhdukur
Lajmet kryesore
-
Ranucci tregon pse nuk u transmetua pjesa e dytë e ‘Report’ për Shqipërinë
-
BE dënon sulmin ndaj gjyqtarit Tonin Stërkaj
-
Celibashi i bën thirrje Kuvendit të vendosë për votën e diasporës
-
“European Pravda”: Bislimi s’e përdori fjalinë “gati për luftë” në asnjë rast, pavarësisht se u pyet specifikisht për mundësinë e luftës