Të hënën me 27 mars Kombëtarja Kuq e Zi fillon kampanjën e rregullt kualifikuese për EURO 2024.
Në një grup që përbëhet nga pesë shtete, Shqipëria ndeshjen e parë do ta zhvillojë si mysafir i Polonisë, skuadrës më të fortë në letër në këtë grup.
Përveç tyre, në Grupin E bëjnë pjesë edhe Republika Çeke, Ishujt Faroe dhe Moldavia.
Kundërshtari i parë, Polonia nuk është e panjohur për kuqezinjtë, pasi që në histori janë zhvilluar 10 ndeshje mes tyre.
Bilanci i takimeve të mëparshme fatkeqësisht nuk është në favor të Shqipërisë: asnjë fitore, dy barazime dhe tetë humbje me golaverazh 5:17 në disfavor të kuqezinjve.
Nga këto 10 ndeshje, gjashtë kanë qenë për kualifikuese të Botërorit, dy për kualifikuese të Evropianit dhe dy të tjerat ishin ndeshje miqësore.
Hera e parë që këto dy kombëtare janë ndeshur mes vete, ka qenë viti 1970, pikërisht për kualifikuese Evropiani.
Këtë përballje e fitoi Polonia me shifrat 3:0, kurse në ndeshjen kthyese në Shqipëri rreth një vit më vonë, takimi kishte përfunduar në barazim me shifrat 1:1.
Në shtatë ndeshjet e fundit kundër kombëtares polake, Shqipëria humbi pesë herë me rezultat të njejtë prej 1:0.
Hera e fundit kur u takuan këto dy kombëtare ishte për kualifikueset e botërorit 2022 ku në ndeshjen e parë në Poloni, vendasit fituan me shifrat 4:1.
Ndërsa në takimin e dytë në Tiranë, Polonia fitoi me shumë fat 0:1 që në fund doli ndeshje vendimtare për Shqipërinë (pasi që në rast barazimi, kishte mundësi të përfundonte në vendin e dytë në grup dhe të shkonte në “Play-Off”).
Thjeshtë është koha për rezultate pozitive kundër Polonisë, me gjithë mungesat dhe presionin që ka Shqipëria, një rezultat i mirë ndaj polakëve do të rriste gjasat që kuqezinjtë t’i shohim për herë të dytë në histori në një Evropian.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Të ‘mbarojmë punë me Rai-n’, pastaj radha për interpelancë me Bardhin, thotë Rama
-
Bardhi thotë se Rama ka frikë nga interpelanca, radhit 4 fakte dhe shtron 4 pyetje publike për kryeministrin
-
Amerika autorizon Ukrainën të godasë Krimenë me raketa me rreze të gjatë
-
Edhe Britania e do Asociacionin sa më shpejt që të jetë e mundur