Shqipëria ka arritur progres thelbësor në përpjekjen ndaj decentralizimit, por sërish ka shumë vend për të bërë përmirësime, mbi të gjitha në qartësimin e roleve që pushteti qendror dhe ai lokal kanë si të vetëm.
Është ky përfundimi i raportit të fundit të aprovuar nga Kongresi i Autoriteteve Lokale dhe Rajonale pranë Këshillit të Evropës.
Raporti është prezantuar nga dy bashkëraportues: Xavier Cadoret nga Franca dhe Carla Dejonghe nga Belgjika. Të dy e kanë mirëpritur strategjinë qeverisëse për decentralizimin dhe implementimin e suksesshëm të saj.
Kohështrirja e kësaj reforme ka qenë periudha 2015-2020.
Por, ashtu si ka nënvizuar edhe Dejonghe gjatë raportimit, ka vend mjaftueshëm për t’u përmirësuar.
Gjëja kryesore që duhet bërë, sipas saj, është pikërisht ndarja e qartë mes dy pushteteve. Kjo, duke parë edhe fuqinë e deleguar nga autoritetet lokale, të cilat ushtrojnë praktikisht detyrën nën supervizionin e ministrive të ndryshme.
Kjo gjë sjell dukshëm mungesën e hapësirës për iniciativa vetjake nga pushteti lokal.
Cadoret, nga ana tjetër, nënvizoi faktin se Bashkitë kanë mungesë të theksuar buxheti. Kështu, ato nuk mund të plotësojnë nevojat as për sa u përket burimeve njerëzore të nevojshme. Mbi të gjitha kjo, në zona të thella rurale.
Në rekomandim të kësaj situate, Kongresi ftoi Qeverinë për të vijuar me çështjen e decentralizimit. Po ashtu, të vijojë me harmonizimin e legjislaturës për shpërndarjen e nevojshme të përgjegjësive midis dy pushteteve. Kjo duhet bërë e qartë.
Një rekomandim ka ardhur edhe për autoritetet mbi strukturën e rrogave të shpërndara. Kjo, për të lejuar më shumë fleksibilitet në rekrutimin e stafeve të kualifikuar.
Shqipërisë iu kërkua ndërkohë qartësisht, që të ratifikojë Protokollin shtesë të parimeve që përmbledh Skeda Evropiane e Vetëqeverisjes Lokale.
Si përfaqësuese e Shqipërisë ka qenë e pranishme në takim zëvendësministrja e Brendshme, Romina Kuko.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Martens: Berlini e Parisi synojnë ta shtyjnë votimin për anëtarësimin e Kosovës në Këshillin e Evropës